काभ्रे,
काभ्रे जिल्लाको मुख्य व्यापारिक केन्द्र बनेपामा असोज १९ गते देखी कार्तिक ४ गते सम्म ‘बनेपा महोत्सव–२०८०’ आयोजना गरिने भएको छ । व्यापार व्यवसाय लाई प्रवर्द्धन गर्ने उदेश्यले बनेपा महोत्सव–२०८०’ आयोजना गरिने भएको हो । बनेपा ब्वाइज क्लब बीबीसी बनेपाको आयोजनामा ‘हाम्रो अभियान खेलको शान, संस्कृति र समृद्धि बनेपाको पहिचान’ भन्ने नाराका साथ विजया दशमीको पावन अवसरमा आयोजना हुने चौथो व्यापारिक, सांस्कृतिक तथा मनोरञ्जनात्मक खेल मेला ‘बनेपा महोत्सव–२०८०’ गर्न लागिएको क्लबले जनाएको छ ।
क्लबका अध्यक्ष महेश कर्माचार्यले खेलाडी पाल्न, तालीम सञ्चालन गर्न र कुनै पनि खेलमा भाग लिन पठाउनका लागि आर्थिक सहयोग जुटाउने उद्देश्यले प्रत्येक वर्ष बनेपा महोत्सव गर्दै आएको बताउनुभयो । क्लबले आयोजना गर्न लागेको यो चौथो महोत्सव हो । हरेक दिन राष्ट्रिय र स्थानीयस्तरका कलाकाहरुको सांस्कृतिक प्रस्तुतिसमेत रहने आयोजकले जनाएको छ । महोत्सवमा नृत्य प्रतियोगिता, भलिबल प्रतियोगिताको साथै अन्य प्रतियोगिता समेत संचालन हुने आयोजकले जनाएको छ ।
