काभ्रे,
धुलिखेल नगरपालिकाको काभ्रे भञ्ज्याङमा निर्माण सम्पन्न नगर अस्पताल संचालनमा नआउँदै भाँसिन थालेको छ । काभ्रे भञ्ज्याङमा ११ करोड ४२ लाख ३७ हजार ८ सय ६१ रुपयौं बजेटमा निर्माण भएको १५ शैयाको नगर अस्पताल संचालनमै नआई अस्पतालको भवनको जग भाँसिएको हो । नगरपालिकाले स्वस्थ नगरको अवधारण अनुरुप थुप्रै कार्य गरेको र केहि महिनामै धुलिखेललाई स्वस्थ सहर बनाउने भन्दै चर्को भाषण गर्ने धुलिखेल नगरपालिकाका नगर प्रमुख अशोक कुमार ब्यान्जु श्रेष्ठलाई भने सम्पन्न भइसकेर अस्पताल संचालनमा ल्याउन नसक्ने अवस्था पुग्दा समेत ध्यान किन नगएको होला भन्दै स्थानीय प्रश्न गर्न थालेका छन्। पुर्व प्रधानमंत्री केपी शर्मा ओलीले देशभरीका ३ सय ९६ वटा अस्पताल शिलन्यास गर्ने क्रममै यो अस्पतालको शिलान्यास भएको थियो ।
अस्पतालका अहिले भाँसिएको ब्लक र अन्य मर्मत निर्माण संस्था ड्रागन कमलजित शिवालय जे भि ले नै व्यहोर्नु पर्ने र मर्मत नगरेको खण्डमा उसले राखेको बैकं ग्यारेन्टीबाट अशुल गरेर सम्म कार्य नगरले गर्ने नगरपालिकाका सव इन्जिनियर रोजन ताम्राकारको दावी छ। २०७८ असार १४ गते १२ करोड ९० लाख ८८ हजार ७ सय ८३ (भ्याट सहित ) रुपयौं बजेटमा सम्झौता गरेर निर्माण थालिएको नगर अस्पतालको भवनको निर्माण सम्पन्न गर्ने अन्तिम मिति २०८० असार १४ मा निर्माण सम्पन्न गर्नु पर्ने सम्झौतामा उल्लेख थियो ।
