रोशी सहकर्मी–असार २१,
२०७७,काभ्रे/

जिल्लाको तेमाल गाउँपालिकामा बोधिचित्त माला खरीद गर्न आउने व्यापारीहरुले कोरोना जाँचको रिपोर्ट अनिवार्य बुझाउनुपर्ने भएको छ । बोधिचित्त माला पाईने तेमाल गाउँपालिकाको विभिन्न वडामा व्यापारीहरु आवत जावत गरीरहेको सुचना आएकोले अनिवार्य कोरोना जाँचको रिपोर्ट बुझाएपछि मात्रै गाउँपालिका प्रवेश गर्न दिईने सुचनामा उल्लेख गरिएको छ ।

यस समयमा बोधिचित्तको माला टिप्ने बेला भएका कारण स्वदेशी तथा विदेशी व्यापारीहरुको आवात जावत हुने गर्दछ । तेमाल गाउँपालिका भित्र प्रवेश गर्न चाहाने स्वदेशी ब्यापारीले आरडिटी विधि मार्फत कोरोना भाइरसको परीक्षण गरी नेगेटिभ आएको रिपोर्ट पेश गर्नुपर्नेछ भने विदेशी व्यापारीहरुको हकमा पिसिआर परीक्षण गरी नेगेटिभ भएको रिपोर्ट अनिवार्य पेश गर्नुपर्नेछ ।

यदि सूचना अटेर गरेमा नियमानुसार १४ दिन गाउँपालिकाले व्यवस्था गरेको क्वारेटाइनमा राखिने र कोरोना परीक्षणको रिपोर्ट नेगेटिभ आएपछि मात्रै आवज जावात गर्न दिइने पालिकाले जनाएको छ ।

Facebook Comments