काभ्रे,
इजरायलमा हिजोदेखि सुरु भएको द्वन्द्वमा घाइते भएका ९ नेपालीमध्ये २ जनाको अवस्था गम्भीर रहेको परराष्ट्र मन्त्रालयले जानकारी दिएको छ । मन्त्रालयका अनुसार १४ जना नेपाली कामदार रहेको एउटा कृषि फार्ममा विद्रोही समूह हमासले गरेको आक्रमणमा परी घाइते भएकामध्ये दुई जनाको अवस्था गम्भीर छ ।
नेपाल सरकारले इजरायलमा भएको आतङ्कवादी हमलाको भत्र्सना गर्दै त्यहाँ रहेका नेपालीको सुरक्षा, उद्धार र व्यवस्थापनका बारेमा परराष्ट्र मन्त्रालयले समन्वय गरिरहेको जनाएको छ । इजरायलस्थित नेपाली दूतावासले आक्रमण प्रभावित क्षेत्रमा बसोबास गर्ने नेपालीसँग सम्पर्कमा रहेको उल्लेख गर्दै इजरायलमा रहेका नेपाली नागरिकलाई सतर्क रहन र स्थानीय अधिकारीले दिएको सुरक्षासावधानीको उपाय अबलम्बन गर्न अनुरोध गरेको छ ।
