काभ्रे,
नेपाली हिन्दुहरूको महान चाड दसैँलाई पहिलो पटक अमेरिकामा मान्यता मिलेको छ । मेरिल्यान्डको तल्लो र माथिल्ला दुवै सदनले ‘दसैँ डे’ कानुनलाई पारित गरेपछि नेपालीहरूको चाडलाई मनाउनको लागि मेरिल्यान्डका गभर्नर वेज मूरले अक्टोबर ५ मा एउटा घोषणा जारी गर्दै ‘दँैं डे’ घोषणा गरिएको बताउनुभएको हो । मे ४ मा विधयेकमा हस्ताक्षर गरिएपछि राज्यको कानुनमा दसैँलाई मान्यता दिइएको हो । अब मेरिल्यान्डमा दसैँका बारेमा विभिन्न शिक्षण संस्थाहरूमा पढाइ हुने भएको छ ।
अमेरिकामा यसरी कानुनी रुपमै ‘दसैं डे’ घोषणा हुने मेरिल्यान्ड पहिलो र एकमात्र राज्य बनेको छ । नेपाली मुलका मेरिल्यान्डका सांसद ह्यारी भण्डारीले उक्त ‘दसैं डे’ विधेयकलाई सदनमा दर्ता गराएर दुवै सदनबाट अनुमोदन गर्ने कार्यमा सक्रिय भूमिका खेल्नुभएको छ ।
