काभ्रे कांग्रेस प्रतिनिधि सभा १ को प्रदेश सभा ‘क’ बाट समानुपातिकको बन्द सूचीमा शंख बुद्ध लामा र सरस्वती बैद्य

काभ्रे,
नेपाली कांग्रेस काभ्रे प्रतिनिधि सभा १ को प्रदेश सभा ‘क’ बाट समानुपातिकको बन्द सूचीमा शंख बुद्ध लामा र सरस्वती बैद्य परेका छन् । काभ्रेले प्रदेश सभाको समानुपातिकका लागि सिफरिस गरेको नाम मध्ये शंख बुद्ध लामा र सरस्वती बैद्यको नाम बन्द सूचीमा परेको हो । नेपाली कांग्रेस काभ्रेले प्रदेश सभामा समानुपातिक तर्फ ५० जना भन्दा बढीको नाम सिफारिस गरेको थियो ।
शंख बुद्ध लामा र सरस्वती बैद्यको नाम बन्द सूचीमा परेको भन्दै नेता कार्यकर्ताले सामाजिक सञ्जाल मार्फत बधाई तथा शुभमना दिन थालेका छन् । तर असोज १६ गतेसम्म निर्वाचन आयोगमा पठाइएको नाममा दलहरुले हेरफेर गर्न सक्ने भएकाले आधिकारिक रुपमा भन्न नमिल्ने नेपाली कांग्रेस काभ्रेका एक पदाधिकारीले बताउनुभएको छ ।