काभ्रे,
माध्यमिक शिक्षा परीक्षा (एसईई)को प्रमाण पत्रमा केहि त्रुटि भएमा ६ महिनाभित्र सच्याइसक्नु अनुरोध गरीएको छ । प्रमाण पत्रमा विद्यार्थीको नाम, थर र जन्ममिति सच्याउन परेमा अबको ६ महिनाभित्र सच्याइसक्न अनुरोध गरीएको हो । छ महिनाभन्दा ढिला भए प्रमुख जिल्ला अधिकारीले फैसला पर्चा बनाउन नमिल्ने भएकाले त्यसपछि भने नाम, थर र जन्ममितिमा गल्ती भए सच्याउन पाइने छैन ।
उमेर, नाम, जात सच्याउने नियमहरू, २०१७ अनुसार विद्यार्थीले प्रमाण पत्र पाएको ६ महिनाभित्र सच्याउनुपर्ने प्रावधान रहेको राष्ट्रिय परीक्षा बोर्डले स्पष्ट पारेको छ । जसअनुसार नाम, थर र जन्ममितिमा गल्ती भए प्रमुख जिल्ला अधिकारीलाई सच्याउनको लागि निवेदन दिनुपर्नेछ । त्यसपछि प्रमुख जिल्ला अधिकारीले फैसला पर्चा र सिफारिस गरेको आधारमा मात्रै बोर्डले नाम, थर र जन्ममिति सच्याउने गरेको छ ।
