काभ्रे,
नेपाली कांग्रेसले भूकम्प प्रभावितका एक हजार घर बनाउन दक्ष जनशक्ति परिचालन गर्ने निर्णय गरेको छ । सभापति शेरबहादुर देउवा निवास धुम्बाराहीमा सोमबार विहान बसेको बैठकले एक हजार घर बनाउन दक्ष जनशक्तिको टोली परिचालन गर्ने निर्णय गरेको हो । केन्द्रीय सदस्य प्रदीप पौडेलको नेतृत्वमा पहिलो टोली आजै भूकम्प प्रभावित क्षेत्रमा गएको छ ।
प्रभावित क्षेत्रमा भिडभाड नहुने गरी दक्ष जनशक्ति सहितको टोली पठाउने महामन्त्री गगन थापाले जानकारी दिनुभयो । पदाधिकारी बैठकको सुरुमा उपसभापति एवं रक्षामन्त्री पूर्णबहादुर खड्काले सरकारले भूकम्प प्रभावितका लागि सरकारले हालसम्म गरेका कार्यको ब्रिफिङ गर्नुभएको थियो । सरकारले अनुदान रकम दिएपनि अस्थायी टहरा बनाउन जनशक्तिको अभाव हुन सक्ने भएकाले यस विषयमा छलफल गरेको महामन्त्री थापाले जानकारी दिनुभयने । भोलि भूकम्प व्यवस्थापन सहजीकरण समितिको बैठक बसेर थप निर्णय गरिने महामन्त्री थापाले जानकारी दिनुभयो ।
