काभ्रे,
धुलिखेल नगरपालिका १२ नं वडाका सुकुम्वासीहरुलाई आवास निर्माण गर्न प्रति परिवार २५ हजार रुपैयाँ सहयोग गर्ने निर्णय भएको छ । अध्यक्ष मोहन लामिछानेको अध्यक्षतामा बसेको बैठकले सुकुम्बासीहरुको पहिचान गरी वडाको तर्फबाट प्रति परिवार आवास निर्माणका लागि २५ हजार रुपैयाँ सहयोग गर्ने निर्णय गरीएको हो । धुलिखेल १२ लाई सुकुम्वासी मुक्त वडा निर्माण गर्ने उद्देश्य अनुरुप उक्त निर्णय गरिएको अध्यक्ष लामिछानेले बताउनुभयो । साविक शंखु गाविसका सबै वडाहरुमा रहेका सुकुम्बासीहरुको पहिचान गरिने अध्यक्ष लामिछानेको भनाई छ ।
वडा कार्यालयको कार्तिक २३ गते बसेको बैठकले सुकुम्वासी सम्बन्धी निर्णय गरेको हो । धुलिखेल १२ मा तत्काल पहिचान भएका ११ घर परिवार छन् ।
