काभ्रे,
निर्वाचन आयोगले काभ्रेको बिभिन्न पालिकाहरुबाट चुनाव खर्च बिवरण नबुझाउने ४५ जना उमेदवारहरुलाई जरिबाना तोकेको छ । आयोगले खर्च बिवरण नबुझाउनेहरुलाई जरिवाना तोक्दै आफ्नो वेवसाइटमा उमेदवारहरुको नाम सर्वाजनिक गरेको छ । स्थानीय तह निर्वाचन २०७९ मा पालिका प्रमुख र उपप्रमुखमा उम्मेरदवार बनेका ४५ जनालाई जरिबाना तोकिएको हो । जरिबाना तोकिएका दुई जना उम्मेदवार बाहेक सबै उम्मेदवार स्थानीय तह निर्वाचनमा पराजित भएका थिए ।
गाउँपालिकाका अध्यक्ष तथा उपाध्यक्ष पदका उम्मेरदवारले जनही साढे तीन लाख , वडाअध्यक्ष तथा सदस्य पदका उम्मेदरवारले १ लाख ५० हजार र नगरपालिका प्रमुख र उपप्रमुखका उम्मेरदवारले जनही साढे ४ लाख जरिबाना तिर्नुपर्ने बताईएको छ । निर्वाचित जनप्रतिनिधिले ६ महिनाभित्र तोकिएको जरिबाना नतिरे उनीहरुलाई कानुनी व्यवस्था अनुसार नै पदमुक्त गरिने निर्वाचन आयोगले जनाएको छ । १३ वटा स्थानीय तहमध्ये ७ वटा गाउँपालिकाबाट उमेरदवार बनेका २० जना त्यस्तै ६ वटा नगरपालिकाबाट उम्मेरदवार बनेका २५ जनाले विवरण बुझाएका छैनन् । गाउँपालिकाका २० र नगरपालिकाका २५ गरी ४५ जना नै पालिकाको अध्यक्ष र उपाध्यक्ष पदका उम्मेदवार रहेका छन् ।
