रोशी सहकर्मी–कार्तिक २५,
बेला/
काभ्रेको नमोबुद्ध स्थित बेला डाँडामा बस दुर्घटना भएको छ । बनेपाबाट नेपालथोकको लागि छुटेको बा ४ ख ३३१९ नम्बरको यात्रुबाहक बस आज दिउँसो करिब ४ बजे नमोबुद्ध नगरपालिका स्थित बेलामा दुर्घटना भएको हो । नमोबुद्ध नगरपालिका वडा नं २ र पाँचखाल नगरपालिका वडा नम्बर १० को सिमाना बेलामा दुर्घटना हुँदा चालक दलका सहित २५ जना घाईते भएका छन् । घाईते हुनेमा तेमाल, भिमखोरी, दाप्चा, मंगलटार, भकुण्डे, सिन्धुली आदिका रहेका छन् । बस सडकबाट करिब १५० मिटर तल खसेको भकुण्डेबेशी प्रहरीले जनाएको छ । घाईते मध्य गम्भीर घाइते ८ जनालाई धुलिखेल अस्पताल पठाइएको र उनिहरुको उपचार भइरहेको प्रहरीले जानएको छ ।
घटना पश्चात जिल्ला प्रहरी कार्यालय काभ्रेका प्रहरी नायव उपरीक्षक जयराज सापकोटा, ट्राफिक कार्यालय बनेपाका इन्सपेक्टर दामोदर सिलवाल, मंगलटार इलाका प्रहरी कार्यालयका इन्सपेक्टर धर्मजंङ्ग थिङ र भकुण्डे प्रहरीको संयुक्त टोलीले स्थलगत अनुगमन गरी अनुसन्धान गरिरहेको भकुण्डे प्रहरीले जनाएको छ ।
