काभ्रे,
काभ्रेका प्रतिनिधि सभा क्षेत्र नं १ तर्फ प्रदेश “ख“ का उम्मेदवार तीर्थ लामाले प्रतिनिधि र प्रदेश सभा निर्वाचनमा काभ्रेमा गठबन्धनको जित सुनिश्चित भएको बताउनुभएको छ । निर्वाचन प्रचार–प्रसारको अन्तिम दिन आज धुलिखेल नगरपालिकाको गठबन्धनतर्फको निर्वाचन परिचालन समितिको आयोजनामा धुलिखेल नगरपालिकाको वडा नं ९ र ११ मा सञ्चालन गरिएको कोणसभालाई सम्बोधन गर्दै उम्मेदवार लामाले गठबन्धनको जित सुनिश्चत भएको बताउनुभएको हो । गठबन्धनको आवश्यकता र औचित्यबारे प्रकाश पार्दै उम्मेदवार लामाले पूर्वाधार विकासप्रति आफ्नो प्रतिबद्धता जनाउनुभएको छ ।
कोण सभालाई सम्बोधन गर्दै उँहाले जिल्लास्थित वि.पी र अरनिको राजमर्गलाई जोड्ने सितलबस्ती–ठूलीटार–तिनपिप्ले र तिनपिप्पले–कल्छेवेशी–डाडागाउँ–दुई सडकको स्तरोन्नती गर्ने प्रतिबद्धता व्यक्त गर्नुभएको छ । यसका साथै उँहाले खानेपानी, मठमन्दिरको संरक्षण लगायत पूर्वाधार विकास गर्नेे बताउनुभएको छ । नगरको निर्वाचन परिचालन समितिले आज कोण सभासँगै मतदाता शिक्षा, उम्मेदवारसँग अन्र्तक्रिया र धुलिखेल नगरपालिका वडा नं ८, ९, १०, ११ र १२ मा ¥याली पनि सञ्चालान गरेको छ ।
कोण सभा कार्यक्रममा नेपाली कांग्रेसका पुर्व जिल्ला सभापति तीर्थ पसखल, जिल्ला सचिव गुणराज मुक्तान, कोषाध्यक्ष जगन्नाथ गिरी, सह–सचिव रविन्द्र सिग्देल, काँग्रेस नेताहरु इश्वरी ओझा, रामकृष्ण हुमागाई, उद्धव कोइराला, नेपाली कांग्रेस धुलिखेल नगरपालिकाका सभापति बिदुर बस्नेत, माओवादी केन्द्रका नेता पृथ्वी थापा, कविता शर्मा, बाबुराम तामाङ, , वडा सभापति नारायण ओझा लगायत ठूलो जनसहभागीता रहेको थियो ।
