काभ्रे,
लोकतान्त्रिक बाम गठन्धनका प्रदेश सभा उम्मेदवार लक्ष्मण लम्सालले रसायनिक मलका लागि निर्वाचनका बीच पनि आफुहरु प्रयासरत रहेको भन्दै निर्वाचनपछि आन्दोलन गर्नुपर्यो भने त्यसको नेतृत्व लिने विश्वास दिलाउनुभयो । ‘अहिले निर्वाचनका लागि घरदैलोमा जाँदा पनि मैले रसायनिक मल सहज बनाउनका लागि सम्बन्धित निकायलाई घच्घच्याउने काम छोडेको छैन । खेती लगाउने बेला मल अभाव हुँदा समस्या परेको कुरा मलाई राम्रोसँग थाहा छ । निर्वाचनपछि आन्दोलन गर्नुपर्यो भने त्यसको नेतृत्व म आफै लिन्छु । उम्मेदवार लम्सालले भन्नुभयो ।’ लोकतान्त्रिक बाम गठन्धनका प्रदेश सभा उम्मेदवार लक्ष्मण लम्सालले आफुले गर्नसक्ने मात्र बोल्ने तर बोलेको कुराहरु पुरा गरेरै छाड्ने बताउनुभएको छ । मतदाता भेटघाटका लागि पुग्नु भएका उम्मेदवार लम्सालले निर्वाचनको बेला जे पनि सक्नु र गर्छु भन्न नहुने भन्दै स्थानीयको माग क्रमशः समाधान गर्दै जाने प्रतिबद्धता जनाउनुभयो । उम्मेदवार लम्सालसँग मतदाताले सडक पिच, ब्यवस्थित खानेपानी र रसायनिक मलको ब्यवस्था गरिदिन माग गरेका थिए । लम्सालले विजयी भएर गएपछि सडक पिच र खानेपानीलाई ब्यवस्थित गराउने प्रतिबद्धता जनाउनुभयो ।
लम्सालकै पहलमा प्रदेश सरकारले खावाको भमरकोट–ठाँटी सडक खण्डको एक भाग पिच भैसकेको छ । त्यो पिचलाई ठाँटीसम्म पुर्याउने बताउँदै उम्मेदवार लम्सालले ठाँटीबाट केराघारी जाने सडकको स्तरोन्नतिका लागि बजेट परिसकेको बताउनुभयो ।
‘यो गाउँका लागि म नयाँ उम्मेदवार होइन । म यसअघि पनि आएर खानेपानी आयोजनाको काम अघि बढेको छ । त्यो पर्याप्त छैन । त्यसलाई बढाउने छौँ । सडक पिचको काम अघि बढ्ने छ । किन भने आधीभन्दा बढी पिचको काम भैसकेको छ । म गर्नसक्ने काम मात्रै बोल्छु । अहिले चुनावको बेला भएभरको सबै गरिदिन्छु भनुला तर पछि पुरा गर्न सकिएन भने तपाईहरुले पनि विश्वास गर्नु हुँदैन । उम्मेदवार लम्सालले भन्नुभयो ।’
