काभ्रे,
नेकपा माओवादीका केन्द्रका पोलिटव्यूरो सदस्य तथा बाम लोकतान्त्रिक गठबन्धनबाट काभ्रे प्रतिनिधिसभा क्षेत्र नम्बर १ का साझा उम्मेदवार सुर्यमान दोङ (लालध्वज) ले जित सुनिश्चित भइसकेको बताउनुभएको छ । आफुहरुसँग मतदाता सन्तुष्ट देखिएकोले जित सुनिश्चित भइसकेको भन्दै कति मतान्तरले जित्ने भन्ने मात्रै हेर्न मंसिर ४ को प्रतिक्षामा रहेको दोङको भनाइ छ । उम्मेदवार भेटघाट तथा चुनावी अगुवा कार्यकर्ता प्रशिक्षण कार्यक्रममा उँहाले यस्तो बताउनुभएको हो । उँहाले भन्नुभोे, ‘काभ्रेको गठबन्धनको जितलाई अब कसैले रोक्न सक्दैन । जित सुनिश्चित भइसकेको छ । अब कति मतान्तरले जित्ने भन्ने हेर्न मात्रै बाँकी हो ।’ उँहाले संविधानको गणतन्त्रको रक्षाको लागि गठबन्धनलाई जिताउन आवश्यक रहेको भन्दै प्रतिगमनको खतरा रहेसम्म गठबन्धन निरन्तर रहिरहने बताउनुभयो ।
त्यस्तै काभ्रेको प्रतिनिधि सभा क्षेत्र नं. २ का गठबनधनका साझा उम्मेदवार नेपाली कांग्रेसका नेता शिवप्रसाद हुमागाईंले राजा महेन्द्र र एमाले अध्यक्ष केपी ओलीमा केही भिन्नता नभएको प्रस्ट पार्नुभयो । उम्मेदवार हुमागाईंले औचित्य र आवश्यकताको आधारमा जनताको हितमा भएको गठबन्धन पवित्र भएको बताए । उनले राजावादीलाई काँधमा बोकेर गरेको एमाले नेतृत्वको गठबन्धन अपवित्र भएको दाबी गर्नुभयो । काभ्रे–१ को प्रदेश सभा (ख) का उम्मेदवार तिर्थ लामाले एमाले अध्यक्ष ओलीले संविधानको आभारभूत स्तम्भहरु भत्काउने काम गरेको बताए । उनले ओली अग्रमनतिर नभई प्रतिगमनको बाटो समतेपछि त्यसबाट देशलाई जोगाउनको लागि गठबन्धन भएको प्रष्ट पार्नुभयो ।
