काभ्रे,भकुण्डेबेशी
नेपाली काङ्ग्रेस काभ्रे प्रतिनिधि सभा क्षेत्रीय कार्यसमिति क्षेत्र न १ ले आज भकुण्डेबेसिमा युवा सम्बाद कार्यक्रम गरेको छ । क्षेत्रीय कार्यसमितिले “जनताको साथमा काङ्ग्रेस”अभियान अन्तर्गत उक्त युवा सम्बाद कार्यक्रम गरेको हो । गत शुक्रबार बनेपामा एक कार्यक्रमका बीच “जनताको साथमा काङ्ग्रेस” अभियान शुभारम्भ भएको थियो ।आगामी मङ्सिर ४ गते सरकारले प्रदेश र प्रतिनिधि सभाको निर्वाचन गर्ने घोषणा गरे संगै नेपाली काङ्ग्रेस काभ्रे यति खेर अभियान नै संचालन चुनावीमैदानमा अगाडि बडेको देखिन्छ । नेपाली काङ्ग्रेस केन्द्रिय सदस्य एबम जनताको साथमा काङ्ग्रेस अभियानको केन्द्रिय प्रतिनिधि रमा कोइरालाको प्रमुख आतिथ्यतामा कार्यक्रम गरिएको हो । कार्यक्रममा बोल्दै उहाँले काभ्रेमा १३ वटै स्थानीय तहमा काङ्ग्रेस स्थपित हुनुमा युवाहरुको खटाइको कारण भएको बताउदैँ उहाँले आगामी चुनावमा पनि युवाहरु लागि पर्नु पर्ने मा जोड दिनुभएको छ ।
उहाँले आफुले काभ्रेमा काङ्ग्रेसको संख्या राम्रो पाएको बताउदै यस्तै गरि कुनै इगो नराखीकन सबै जना अझ बढी भन्दा बढी काङ्ग्रेसी कार्यकर्ता बनाउन लाग्नु पर्नेमा जोड दिनुभयो । नेपाली काङ्ग्रेस काभ्रेका जिल्ला सभापति एबम संविधान सभा सदस्य तिर्थ लामाले जनताको साथमा काङ्ग्रेस अभियानले काभ्रेमा नेपाली काङ्ग्रेसलाई अझ बलियो र मजबुत बनाउनको लागि ठूलो भुमिका निर्वाह गर्ने बताउनुभएको छ । उहाँले आफूलाइ जस्तो सुकै आरोप लगाएपनी आफू काभ्रेमा काङ्ग्रेसको चार तारे झन्डा फहराउनको लागि सधैं लागि पर्ने बताउनुभयो । साथै काङ्ग्रेसी कार्यकर्ता बढाउनको लागि तत्तत ठाउँबाट जुझारु युवाहरु लाग्नु पर्ने धारणा व्यक्त गर्नुभयो ।
कार्यक्रममा नमोबुद्ध नगरपालिकाका प्रमुख कुन्साङ लामाले सबै युवा एक भै आगामी चुनाबमा आ आफ्नो क्षेत्रबाट मैदानमा उठि नेपाली काङ्ग्रेसलाई सफल बनाउन लाग्नु धारणा राख्नुभएको छ । उहाँले स्थानीय चुनाबमा आफूले दुई तिहाई मतले जित हासिल गरेको स्मरण गर्दै अबको चुनाबमा पनि प्रतिनिधि र प्रदेश सभाको चुनावमा दुई तिहाइ मतले बिजयी हासिल गराउन लागि पर्नु पर्ने बताउनुभयो । कार्यक्रममा महाधिवेशन प्रतिनिधि इश्वरी ओझाले गठबन्धनको नाममा राष्ट्रिय राजनीतिलाई ध्यानमा राखेर काभ्रे क्षेत्र न १ लाई कमजोर नबनाउन प्रमुख अतिथी रमा कोइरालालाई ध्यानाकर्षण गराउनुभएको छ । जिल्ला सचिव गुणराज मुक्तानले जनताको साथमा काङ्ग्रेस अभियानलाई सार्थक र सफल बनाउन काभ्रेका सबै वडा तहहरुमा प्रतिनिधि पठाइएको बारे जानकारी गराउदै उहाँले देशलाई बिकास तर्फ अग्रसर गराउनको लागि युवाको भुमिका महत्वपुर्ण हुने भएकोले अबको निर्वाचनमा युवाहरुलाई अबसर प्रदान गर्नु पर्ने धारणा व्यक्त गर्नुभयो ।
आगामी निर्वाचनमा नेपाली काङ्ग्रेसका उम्मेदवारहरुलाइ बिजय गराउनको लागि युवा सम्बाद कार्यक्रम गरेको प्रतिनिधि सभा क्षेत्रीय क्षेत्रीय सभापति दिनेश लामाले बताउनुभएको छ । कार्यक्रममा नेपाली काङ्ग्रेस काभ्रे क्षेत्र न १ भित्र रहेका भातृ संगठनका युवा तथा काङ्ग्रेस काभ्रेका नेताहरूको उपस्थिति रहेको थियो । कार्यक्रममा जिल्ला सदस्य चेत लामा, महासमिति सदस्य माधब प्रसाद पन्त, महासमिति सदस्य शंख बुद्ध लामा, नेपाली काङ्ग्रेसका नेता रामकृष्ण हुमागाई, बागमती प्रदेश सदस्य बिक्रम लामा, नेपाली काङ्ग्रेस जिल्ला कार्यसमितिका कोषाध्यक्ष जगन्नाथ गिरी, नेपाली काङ्ग्रेसका नेता तिर्थ पछखल लगाएतका नेताहरूले मन्तव्य राखेका थिए । क्षेत्रीय सभापति दिनेश लामाकोे सभाध्यक्षतामा कार्यक्रमका सम्पन्न भएको हो ।
