काभ्रे,
ठेकेदार संगको मुद्धा र काममा नै ढिला सुस्ती हुँदा काभ्रे उपत्यका एकीकृत खानेपानी आयोजना अलपत्र अवस्थामा छ । आयोजना सुरु भएको १४ वर्ष वित्दा पनि काममा ढिला सुस्ती हुँदा काभ्रे उपत्यका एकीकृत खानेपानी आयोजना अलपत्र बनेको हो ।
बनेपा, पनौती र धुलिखेल नगरपालिकाका उपभोक्ता एकीकृत खानेपानी कुरेर बसेको १४ वर्ष भयो तर खानेपानी भने लक्षित वर्ग सम्म पुग्न सकेको छैन । १ अर्ब भन्दा धेरैको लागत साझेदारीमा सुरु भएको आयोजाना सम्पन्न हुँदा ३ नगरका १ लाख ४० हजार जनतालाई पानी खुवाउने लक्ष राखेको थियो। आयोजना सुरु गर्दा यो लक्षमा सन् २०२४ मा पुग्ने गरी सुरु गरिएको भएता पनि आयोजना सम्पन्न हुँन् अझै करोडौ खर्च गर्नु पर्ने निश्चित जस्तै भएको छ।
३ वटा नगरका लागि सुरु गरिएको यो परीयोजना ठेकेदार संगको मुद्धा र रकम अभाब संगै बोर्डको बैठक नियमित बस्न नसक्नाले पानी खुवाउने जिम्मेवारी हाम्रो रहेकाले पानी खुवाउन आ–आफ्नो ढङ्गबाट बनेपा र पनौती नगरपालिकाले आफै कार्य गरीरहेको नगर प्रमुखहरुले बताएका छन् । धुलिखेलमा भने एक ठाउँमा पानी आएको र सो वितरण पनि भईरहेको बोर्डका कर्मचारीहरुले बताएका छन् ।
२०६६ मा सुरु गर्दा आयोजना ल्याउन तत्कालिन सांसद शिव प्रसाद हुमागाईले अत्यन्तै पहल गर्नुभएको पनौती नगरप्रमुख भण्डारी बताउनुभएको छ । २०१२ मा सम्झौता गरी २०१५ जुन मै सक्ने गरी योजनाको काम अगाडी बढाएपनि १२ पटक म्याद थप गर्दा योजना बनाउन ठेकेदारले २०२० नोभेम्बर सम्मको म्याद पाएको थियो। सो परियोजना निर्माण गर्ने जिम्मेवारी भने निर्वाहा नगरी उल्टै ठेकेदारले अदालतमा अन्तरिम आदेश सहितको मुद्धा दायर गरेका छन्। आयोजना सुरु भएको १४ वर्ष मा करिब ७ वर्ष त धुलिखेल नगरपालिकका प्रमुख अशोक ब्यान्जु नै नेतृत्वमा हुँनुहुन्छ । उँहाले आयोजना किन सक्न नखोजेको होला भनेर प्रश्न उठ्न थालेको छ ।
