काभ्रे,
रोशी गाउँपालिका वडा नम्बर ११ मा रहेको डम्फू जिवन्त संग्रालय आसपासका घरटहरा हटाउन रोशी गाउँपालिकाले आज सूचना जारी गरेको छ । साविक भिमखोरी गा.वि.स. वडा नम्बर २ च को कित्ता नम्बर ५६ क्षेत्रफल २२१—३—२—० सरकारी जग्गा भ्याकुरेखोलाको पूर्वतर्फ रोशी खोलको दक्षिणतर्फ निर्माण कार्य भइरहेको डम्फू जिवन्त संग्रालय आसपास वि.पि. राजमार्गको उत्तर तर्फ रहेको आठ ओटा घरटहरा सार्वजनिक जग्गामा रहेको हुँदा उक्त घर टहराहरु १५ दिन भित्र अर्थात फागुन ५ गते भित्र हटाई खाली गरिदिनको निम्ति पालिकाले अनुरोध गरेको छ । यदि समय सीमा भित्र नभत्काइ अटेर गरी बसेमा आजको मितिबाट १६ दिनको दिन स्थानीय प्रशासनको सहयोग लिइ हटाउन बाध्य हुने व्यहोरा समेत पालिकाले जानकारी गराइएको छ ।
