काभ्रे,
नमोबुद्ध नगरपालिकाले आजबाट ब्यक्तिगत श्रम स्वीकृति तथा पुनः श्रम स्वीकृति दिने भएको छ । आज कार्यालय खुलेसंगै श्रम स्वीकृति तथा पुनः श्रम स्वीकृति नगरपालिकाबाटै हुने बताईएको छ । बैदेशिक रोजगारीलाई थप व्यवस्थित, सुरक्षित, मर्यादित, भरपर्दो तथा सहज बनाउन बैदेशिक रोजगारीमा जानेहरुका लागि व्यक्तिगत श्रम स्वीकृति र पुनः स्वीकृतिका लागि आवेदन गर्ने कार्य पालिकाको रोजगार सेवा केन्द्रबाट हुने भएको हो ।
वैदेशिक रोजगार ऐन, २०६४ तथा वैदेशिक रोजगार नियमावली, २०६४ मा भएको व्यबस्था अनुसार बैदेशिक रोजगारीमा जाने हरेक नेपाली नागरिकले अनिवार्य श्रम स्वीकृति लिनु पर्ने व्यबस्था रहेको छ ।
