गएरातिदेखि लागु हुने गरी इन्धनको मूल्य घट्यो

काभ्रे,

नेपाल आयल निगमले गएरातिदेखि लागु हुने गरी इन्धनको मूल्य घटाएको छ । इन्डियन आयल कर्पोरेसनबाट प्राप्त नयाँ खरिद मूल्यअनुसार निगम सञ्चालक समितिको बैठकले गएराति १२ बजेदेखि लागू हुने गरी पेट्रोलमा प्रतिलिटर २ तथा डिजेल र मट्टितेलमा प्रतिलिटर १ रुपैयाँ घटाएको हो । निगमको पछिल्लो निर्णयअनुसार अब उपत्यकामा पेट्रोल लिटरको १ सय ६३ तथा डिजेल र मट्टितेल लिटरको १ सय ५४ रुपैयाँमा कारोबार हुनेछ । खाना पकाउने ग्यासको मूल्य भने घटबड भएको छैन् ।
त्यसैगरी आन्तरिक हवाई इन्धनतर्फ प्रतिलिटर ५ तथा अन्तर्राष्ट्रिय हवाई इन्धनतर्फ प्रतिकिलोलिटर अमेरिकी डलर ३७ ले घटाइएको निगमले जारी गरेको विज्ञप्तिमा उल्लेख छ ।