काभ्रे,
धुलिखेल नगरपालिकाले जापानीज भाषा पढ्न चाहाने महिलासंग दरखास्त माग गरेको छ । भोली कार्यालय समयभित्र दरखास्त दिन नगरपालिकाले भनेको छ । नगरपालिकाले भाषा पढ्नका लागि धुलिखेल नगरपालिका भित्र स्थायी वसोवास गर्ने २० वर्ष पुरा भई ३० वर्ष ननाघेको अविवाहित महिला हुनुपर्ने , न्यूनतम १२ कक्षा उत्तीर्ण गरेको, कृषि तथा पशुपालनमा संलग्न भएको परिवारको सदस्य हुनुपर्ने, पशुपालन व्यवसायमा रुचि भएको हुनुपर्ने, सामाजिक रुपले पछाडि परेको वा अल्प संख्यक समुदायबाट आएकालाई प्राथमिकता दिईने र आफ्नो परिवारको कुनै सदस्य जापानमा नभएको हुनुपर्ने मापदण्ड तोकेको छ ।
प्रशिक्षार्थीहरूले मासिक ३ हजार तालिम शुल्क बुझाउनु पर्नेछ । प्रशिक्षार्थीहरूले आफुलाई आवश्यक स्टेशनरी वा किताबहरू आफै खरिद गर्नुपर्ने, कक्षामा पूर्णरुपमा अनुशासित भई निरन्तर संलग्न हुनु पर्ने, कुनै पनि किसिमको झुटो विवरण पेश गर्न नहुने, जापानी भाषा N–4 Level तथा आवश्यक सीप सिकाई तोकिएको सीप परिक्षणबाट उत्तीर्ण भएका प्रशिक्षार्थीहरूलाई निर्दिष्ट सीप अन्तर्गत कार्य (SSW, Specified Skill Worker) गर्ने गरी ५ वर्ष कार्यकाल रहने गरी जापान पठाउन पहल गरिने नगरपालिकाले जनाएको छ ।
