काभ्रे÷देबराज,
काभ्रे जिल्लाको तेमाल गाउँपालिकाले बिद्यालयको कार्यसम्पादन मुल्याङ्कन फाराम भरी बुझाउन गाउँपालिका भित्रका बिभिन्न बिद्यालयहरुलाई अनुरोध गरेको छ । नेपाल सरकारको शिक्षा तर्फको संघिय ससर्त कार्यक्रम अन्तर्गत क्रियाकलाप नम्बर २.७.१३.१३ बिद्यालयमा शैक्षिक गुणस्तर सुदृढिकरण एवं कार्यसम्पादनमा आधारित प्रोत्साहन अनुदान शीर्षकको तोकिएको सूचकांकको आधारमा कार्यसम्पादन सम्पन्न गर्ने बिद्यालयहरुलाई कार्य सम्पदनमा आधारित अनुदान अन्तर्गत गाउँपालिका भित्र संचालित विभिन्न ५ बिद्यालयहरुको लागि प्रती बिद्यालय रु पचाँस हजार (५०,०००) का दरले बजेट स्वीकृत भएको उल्लेख भएको छ । कार्यक्रम कर्यान्वयनका लागि बिद्यालयबाट कार्यसम्पादन मूल्याकंन फाराम भरी बिद्यालयको शैक्षिक गुणस्तर सुधारको प्रस्ताव सहित माघ मसान्त भित्र गाउँपालिका शिक्षा शाखामा प्रस्ताव पेश गर्न आग्रह गरिएको छ ।
यस प्रकारको अनुदान प्राप्त गर्नको लागि बिद्यालयले अनिवार्य रुपमा शिक्षण सिकाइ समय कर्यविधि २०७४ लागू गरेको हुनुपर्ने उल्लेख गरिएको छ । साथै शिक्षण सिकाइ समय कार्यान्वयन सम्बन्धि फाराम शिक्षण सिकाइ समय क्कर्यान्वयन कार्यविधि २०७४ को अनुसुची १,२ र ३ अनुसार भरेको हुनुपर्नेे छ । यस सम्बन्धि कार्यसम्पादन मूल्याकंन फारामको लागि तेमाल गाउँपालिका शिक्षा शाखामा सम्पर्क राख्न तथा शिक्षा तथा मानव श्रोत बिकास केन्द्रको वेबसाइट बाट डाउनलोड गर्न सकिने गाउँपालिकाले जनाएको छ ।
