काभ्रे,
प्रतिबन्धित लागुऔषद गाजा ओसारपसारमा सङलग्न काभ्रे जिल्लाको मण्डनदेउपुर नगरपालिकाका दुईजना पक्राउ परेका छन् । जिल्ला प्रहरी कार्यालय काभ्रेका अनुसार पक्राउ पर्नेमा मण्डनदेउपुर नगरपालीका वडा नं. २ का ५० बर्षीय सोम बहादुर तामाङ र ३३ बर्षीय रविन घिसिङ रहेका छन् । नगरकोट बालुवापाटी सडक खण्डमा २ किलो ४ सय ग्राम प्रतिबन्धित लागुऔषद गाजासहित उनीहरुलाई प्रहरीले नियन्त्रणमा लिएको हो ।
अपरिचित व्यक्तिहरुले लागू औषध गाँजा लुकाई छिपाई लिई हिडेको छ भन्ने खबर प्राप्त हुनासाथ तत्काल अस्थाई प्रहरी पोष्ट अट्टेडाडाँबाट खटिएको प्रहरी अधिकृत समेतको प्रहरी टोलीले उनिहरुलाइ पक्राउ गरेको प्रहरीले जनाएका छन् । उनिहरुलाइ जिल्ला अदालत काभ्रेबाट लागू औषध गाँजा मुद्दामा सात दिनको म्याद लिई अनुसन्धान भैरहेको प्रहरीले जनाएको छ ।
