काभ्रे,
तेमाल गाउँपालिका वडा नं ३ का जेष्ठ नागरिक, एकल महिला तथा अपाङ्गता भएकाहरुलाई सम्मान स्वरुप ब्ल्याङ्केट बितरण गरिएको छ । कान्छी माया तामाङ फाउन्डेसनको सहयोग र वडाअध्यक्ष बिष्णु बहादुर तामाङको समन्वयनमा हिजो एक कार्यक्रमका बिच जेष्ठ नागरिक, एकल महिला तथा अपाङ्गता भएकाहरुलाई ब्ल्याङ्केट तथा सिरक बितरण गरिएको हो । गाउँपालिका अध्यक्ष चन्द्र बहादुर लामाको प्रमुख आतिथ्यतामा ल्याङ्केट तथा सिरक बितरण गरिएको हो ।
पुर्ण रुपमा अपाङ्गता भएका ११ जना, एकल महिला १५ जना, जेष्ठ नागरिक ७२ जना, जेष्ठ नागरिक एकल महिला १९ जना र अति अशक्त अपाङ्ग १२ जना गरी जम्मा जम्मा १२९ जनालाई ब्ल्याङ्केट तथा सिरक बितरण गरीएको वडाअध्यक्ष बिष्णु बहादुर तामाङले जानकारी दिनुभयो । गाउँपालिका अध्यक्ष चन्द्र दहादुर लामाको प्रमुख आतिथ्यतामा भएको कार्यक्रममा फाउन्डेसनको तर्फबाट डा.दिल ब.तामाङ,वडा अध्यक्ष बिष्णु ब.तामाङ लगायत बुद्धिजिबि समाजसेवीहरुको सहभागिता रहेको थियो ।
