यश कुमार परियार–भदौ ११,
२०७७,काभ्रे/

काभ्रे्रे जिल्लामा आज ४ जनामा कोरोना संक्रमण पुष्टि भएको छ । स्वास्थ्य कार्यलय काभ्रेका अनुसार कोरोना पुष्टि हुनेमा धुलिखेल नगरापलिकाकी ३ वर्षिय वालिका, पनौती नगरपालिकाकी ३४ वर्षिय महिला, बनेपा नगरपालिकाका ५३ वर्षिय पुरुष र तेमाल गाउँपालिकाकी ३७ वर्षिय एक महिला रेहकी छन् ।

यस अघि हिजो एकै दिन काभ्रेमा २३ जनामा कोरोना पुष्टि भएको स्वास्थ्य कार्यलय काभ्रेले जनाएको छ । हिजो दिउँसो ११ जना र साँझ १२ जनामा कोरोना पुष्टि भएको थियो ।

संक्रमित हुनेहरुमा बनेपा, धुलिखेलका सर्वसाधरण र ईस्पाईनल ईन्जुरी अस्पतालका रहेको कार्यलयले जनाएको छ ।

यस सँगै काभ्रे जिल्लामा कोरोना संक्रमित हुनेहरुको संख्या १ सय ९० पुगेको छ । आज सम्म ६९ जना उपचार पछि निको भईसकेका छन् भने र २ जनाको मृत्यु भईसकेको छ ।

तेमालका संक्रमित पाटन अस्पतालमाः
तेमाल गाउँपालिकाका संक्रमित महिला पाटन अस्पतालमा रहेको गाउँपालिकाका स्वास्थ्य संयोजक शिवहरी पाठकले जानकारी दिए । उनका अनुसार संक्रमित महिलाको स्थायी वसोबास तेमाल गाउँपालिका भएपनि उनि गाउँपालिकामा नभई अस्पतालमा नै संक्रमण भई सोहि अस्पतालमा रहेको बताए ।

तेमाल गाउँपालिका वडा नं १ आधाबाटका ३७ वर्षिय महिला तामाघाटमा किराना पसल संचालन गर्दै आएकी थिईन् । उनको आमालाई उपचार गराउन अस्पताल लैजाँदा कोरोना संक्रमण भई सोहि अस्पतालमा रहेको र हाल उनमा पनि कोरोना देखिएको संयोजक पाठकले जानकारी दिए ।

Facebook Comments