काभ्रे,
नारायणहिटी दरबार हत्याकाण्ड भएको आज २२ वर्ष पूरा भएको छ । २०५८ जेठ १९ गते राति भोज चलिरहेको बेलामा दरबार हत्याकाण्ड भएको थियो । तत्कालीन राजा वीरेन्द्र, रानी ऐश्वर्य, युवराज दीपेन्द्रलगायत परिवारका अन्य सदस्यको हत्या भए पनि त्यस बारेमा भरपर्दो छानबिन हुन नसकेको टिप्पणी हुने गरेको छ ।
तत्कालीन राजा ज्ञानेन्द्रले जेठ २२ गते बेलुका शाही घोषणा गर्दै घटनाको यथार्थ विवरण सार्वजनिक गर्न तत्कालीन प्रधानन्यायाधीश केशवप्रसाद उपाध्यायको अध्यक्षतामा उच्चस्तरीय समिति गठन गर्नुभएको थियो । त्यसयता बनेका सरकार र प्रधानमन्त्रीहरूले राजदरबार हत्याकाण्डको बारेमा अनुसन्धान हुनुपर्ने बताउँदै आएका छन् । केही दिनअघि मात्रै पनि प्रधानमन्त्री प्रचण्डले दरबार हत्याकाण्डको बारेमा निष्पक्ष छानबिन हुनुपर्ने बताउनु भएको थियो । नेपालको इतिहासकै सबैभन्दा अकल्पनीय र रहस्यमय उक्त घटना रहस्यमै रहने प्रबल संभावना बढेको छ ।
