नमोबुद्धको वार्षिक उपलब्धिः निःशुल्क स्वास्थ्य परिक्षण देखि अभियानकै रुपमा ‘एक घर एक धारा’ सम्म

काभ्रे,देबराज,

नयाँ जनप्रतिनिधिले कार्यभार सम्हालेको वर्ष दिन पुगेको अवसरमा नमोबुद्ध नगरपालिकाले वार्षिक उपलब्धि सार्वजनिक गरेको छ । नमोबुद्ध नगरपालिकाले आज एक कार्यक्रम गरि जनप्रतिनिधिहरुको १ बर्षे कार्यकालको उपलब्धि सार्बजनिक गरेको हो । आज नगरपालिकाको सभाहलमा एक कार्यक्रमको आयोजना गर्दै नगरप्रमुख कुन्साङ लामाले नगरको १ बर्षे कार्यकालको उपलब्धि सार्बजनिक गर्नुभएको हो ।जिल्ला समन्वयन प्रमुख दिपक कुमार गौतमको प्रमुख आतिथ्यतामा कार्यक्रम संचालम भएको हो । कार्यक्रमकै अवसरमा आजबाट बुच्चाकोट देखि नौबिसे बजारसम्म निःशुल्क वल्र्ड लिङक वाईफाईको सुभारम्भ भएको छ । वल्र्ड लिङक बाग्मती प्रदेसका म्यानेजर निकेस अधिकारीले नगर प्रमुख र उपप्रमुखको मोबाईलमा निःशुल्क वाईफाई जडान गरेर निःशुल्क वाईफाइको सुभारम्भ गरिएको हो । नगरपालिकाको वार्षिक उपलब्धिहरु अन्तर्गत मुख्यगरी आर्थिक विकास, सामाजिक विकास, पुर्वाधार विकास, वन,वातावरण तथा विपद् व्यवस्थापन एवं संस्थागत विकास तथा सुशासन बुँदामा बिभिन्न बिकास निर्माणका आयोजनाहरु उल्लेख गरिएको छ ।
नगरपालिकाले नगरपालिकामा १८ बर्ष माथिका नागरिकको निशुल्क स्वास्थ्य परिक्षण सुरुवात गरिएको छ । नसर्ने रोगको प्रकोप देखिएको भन्दै नगरपालिकाले रक्तचाप, मधुमेह (सुगर), अल्कालिन, प्रोटिन परिक्षण निशुल्क र एक बर्षसम्म निशुल्क औषधीको व्यवस्था मिलाइएको हो ।
नगरपालिकाले बालमैत्री स्थानीय शासन सुरुवात गरिएको छ । नगरपालिकाको टोली बालमैत्री स्थानीय शासन अध्ययन गर्न नेपालको पहिलो बालमैत्री नगर सुनवल पुगेर बालमैत्री नगर घोषणाको तयारी, यसको दिगोपना लगायतका विविध पक्षबारे जानकारी लिएको छ । फर्किए लगत्तै नगरपालिका स्तरीय बाल सञ्जालको बैठक बसेर विभिन्न कार्यक्रम तय गरिएका छन् । त्यसैगरि, नगरले नगरपालिकामा पहिलो शीत भण्डारण निर्माण , घरदैलोमा नै सामाजिक सुरक्षा भत्ता वितरणको थालनि , राजमार्गमा फोहोर फाले कार्वाही गर्न सुरु, योजनावद्ध विकास प्राथमिकतामा , अभियानकै रुपमा ‘एक घर एक धारा’ अभियान सञ्चालन , महिला उद्यमीलाई उद्योग दर्ता निशुल्क तथा नगरपालिकाले स्थानीय पाठ्यक्रम निर्माण लगागतका बुदाहरुमा बार्षिक उपलब्धिहरु सार्वजनिक शुरुवात गरेको छ । आर्थिक वर्ष २०७९÷०८० मा जम्मा ७६ करोड ८७ लाख ९५ हजार ९ सय ९६ रुपैया विनियोजन भएको थियो । जसअन्तर्गत चालु खर्च तर्फ ४८ करोड २९ लाख २ हजार ६ सय ९१ तथा पुँजिगत तर्फ २८ करोड ५८ लाख ९३ हजार ३ सय ५ रुपैया विनियोजन भएको थियो ।

यी हुन् जनताको सेवाको पहिलो वर्षमा नमोबुद्ध नगरबाट भएका उल्लेअनीय कार्यहरुः
१.दाप्चा बसेरी सडक कालोपत्रे
२.वि.पि राजमार्ग कानपुर डाँडाँगाउँ सडक स्तरोन्नती
३.कबालिकादेवी भेडाबारी खानेपालि ट्याङकि निर्माण
४.वडा नं १ को प्रशासनिक भवन निर्माण
५.४३ फिट अग्लो पद्मसम्भवको प्रतिमा निर्माण
६.नमोबुद्ध वृहत खानेपानीको शिलान्यास
७.सामाजिक सुरक्षा भत्ता वितरणको लागि स्थानीयस्तर,वडा स्तरमै घुम्ति बैंकिङ सेवा
८.राजमार्ग लक्षित सरसफाई कार्यक्रम
९.नगरपालिका र रेयुकाई एईको मासुनागा आँखा अस्पताल बनेपाबीच मोतियाबिन्दुको निःशुल्क उपचार गर्ने सम्झौता
१०.कपुरढुङ्गा सडक पहिरो नियन्त्रण
११.नेपाल नमुना जलवायु अनुकुलन कार्यक्रम
१२.लैंगिक हिंसा बिरुद्धको कार्यक्रम
१३.फुलबारी देखि दाप्चा क्षेत्रलाई लक्षित गरी एम्बुलेन्स सेवा
१४.जेस्ठ नागरीक लक्षित कार्यक्रम
१५. राष्ट्रपति रनिङ शिल्ड
१६. नमोबुद्ध चैत्य परिसरलाई विस्व सम्पदा सुचिकृत गर्नका लागि आवस्यक छलफल
१७.काशिखण्ड बृहत खानेपानी आयोजना
१८.नसर्ने रोगको निःशुल्क स्वास्थ्य परिक्षण तथा औषधि वितरण
१९.नेपालमा जलवमयु अनुकुलन नमुनम गाँउ कार्यक्रमको अवलोकन गर्न आउनुहुने राष्ट्रिय तथा अन्तराष्ट्रिय पाहुनाहरु
२०.सडक बोर्ड तथा नगरपालिकाको साझेदारी संचालित बोम्जनगाउन् सडक
२१.जगबैजेस्वर मन्दिर परिसरमा निर्माणधिन पुर्वाधारहरु
२२.वि.पि राजमार्ग अन्तर्गत बुच्चाकोट,चौकिडाँडाँको रेखांकन सम्बन्धी छलफल
२३.पिपलटार लिफ्ट सिँचाई
२४.पिपलटार खानेपननी आयोजना
२५.जीवन ज्योति चर्च निर्माण
२६.डराउनेपोखरी शिव कन्दिर निर्माण
२७.खाक्सी स्वास्थ्यचौकी निर्माण
२८.नमोबुद्ध काव्य अनुस्ठान
२९.नौबिसे काक्रे सडक निर्माण
३०.जनक मा.वि चुवाने सडक निर्माण
३१.वि.पि राजमार्ग सरसफाई कार्यक्रम
३२.अपाङगता परिचयपत्र वितरण
३३.जनजागृति प्रा.वि हुँदै ध्याङ्टोल सडक
३४.चरुवा सडक
३५.सुत्केरीसँग उपमेयर कार्यक्रम
३६.न्यायिक क्षमता अभिबृद्धि कार्यक्रम
३७.पार्कोट,टटलेटार खानेपानी तथा सरसफाई आयोजना
३८.कोपोमिस कार्यक्रम
३९.बालमैत्री नगरपालिका घोषणा तयारी अभियान
४०.नारी दिवस विसेस कार्यक्रम
४१.विन्दवासिनी मन्दिर परिसरमा पुर्वाधार निर्माण
४२.कसषि औजार वितरण
४३.गरीबी निवारणका लागि लघु उद्यम विकास कार्यक्रम
४४.प्रधानमन्त्री रोजगार कार्यक्रम अन्तर्गत संचालित विभिन्न योजनाहरु
४५.मथुरापाटि पार्क निर्माण
४६.भकुण्डेबजार लक्षित सडक बत्ति
४७.कसषि विकाससँग सम्बन्धित कार्यक्रम
४८.सामुदायिक तथा छाडा कुकुरहरुको स्थायी बन्ध्याकरण
४९.नमोबुद्ध चैत्य परिसरमा सिसिटिभि क्यामेरा जडान
५०.रजबम पोखरी क्षेत्रमा पुर्वाधार विकास
५१.नगर शिक्षा समितिबाट भएको बिद्यालग अनुगमन
५२.श्यामपाटि–काउसे –दारेगांैडा–आरुबारीचौर सडक