रोशी सहकर्मी–बैशाख २,
२०७६,काभ्रे/

काभ्रेको बेथानचोक गाउँपालिका र मण्डन देउपुर नगरपालिकाका दुई युवामा कोरोना पोजेटिभ देखिएको छ । आरडिटी परीक्षण गर्दा उनिहरुमा कोरोना देखिएको हो ।

चैत्र ९ गते भारतबाट नेपाल आएका बेथान्थोक गाउँपालिका वडा नम्वर ५ का २८ बर्षिय युवालाई आरडिटी परिक्षणमा कोरोना भाईरसको संक्रमण देखिएको हो । त्यस्तै अर्का संक्रमित मण्डन देउपुर नगरपालिका वडा नम्वर ३ नयाँगाउँका २३ बर्षिय युवा छन् । उनलाई २२ दिनक्वारेन्टाईनमा राखेर घर पठाईएको थियो । संक्रमित दुवैलाई धुलिखेल अस्पतालमा थप परिक्षणका लागि ल्याईएको छ ।

पहिलो परिक्षणमा उनिहरुलाई संक्रमण देखिएको भएपनि दोश्रो परिक्षणमा नदेखिन सक्ने अस्पतालले बताएको छ । बेथान्चोक गाउँपालिमा विभिन्न देशबाट २२ जना चैत्र १ गते पछि फर्किएका ब्यक्तिहरु छन् ।
त्यस्तै काठमाडौको सनसिटि अपार्टमेन्टमा रहेका एक जनालाई धुलिखेलमा गरिएको आरडिटी परिक्षणमा संक्रमण देखिएको छैन ।

स्थानीय सरकारले चैत्र १ देखि विभिन्न देशबाट काभ्रेपलाञ्चोक जिल्लाका विभिन्न पालिकाहरुमा भित्रिएका २ सय ५१ जना ब्यक्तिहरुको परिक्षण गर्नेछ । जसमध्ये आज सम्म १ सय ९१ को परिक्षण सकेको स्वास्थ्य कार्यालय काभ्रेका प्रमुख एवं कमाण्ड पोष्टका सदस्य सचिव डा. नरेन्द्र कुमार झाले बताए ।

Facebook Comments