काभ्रे,
बीपी राजमार्ग अन्तर्गत नमोबुद्ध नरगपालिका वडा नम्बर २ स्थित बीस किलोमा दुई मोटरसाईकल आपसमा एकआपसमा ठोक्किएर दुर्घटना हुँदा तीन जना घाइते भएका छन् । आज विहान काभ्रेभन्ज्याङबाट भकुण्डेबेसी तर्फ आउँदै गरेको बा ८२ प ५२२५ मोटरसाईकलले बिपरित दिशाबाट आईरहेको ६९५९ नम्बरको मोटरसाईकलाई ठक्कर दिँदा दुर्घटना भएको प्रहरीले जनाएको छ ।
दुर्घटनामा चालक सर्लाही मलंगवाका १९ बर्षीय चन्दन शाहको टाउकोमा गहिरो चोट लागेको र अबस्था गम्भीर रहेको प्रहरीले जनाएको छ । सोही मोटरसाइकल सवार सर्लाहि हरिपुर्ण नगरपालिकाका १८ बर्षीय अभिषेक शाह सामान्य घाइते छन् । त्यस्तै नमोबुद्व नगरपालिका वडा नम्बर १० का १७ बर्षीय समीर रम्तेलको दाहिने खुट्टामा चोट लागेको प्रहरीले जनाएको छ ।
