काभ्रे,
दोलखाको नाम्दुवासीका लागि पानी अमलाको घाँस आम्दानीको स्रोत बनेको छ । वनजङ्गलमा पाइने एक किसिमको वनस्पती पानी अमला जमिनमुनि फल्छ । पानी अमलाको पुरै भागलाई सुकाएर पिंधेको धुलोलाई ७÷८ ग्रामको दरले मिश्री पानीसँग मिलाएर खाँदा जण्डिस निको हुने आयुर्वेदका विज्ञ बताउँछन् । दोलखामा भने पानी अमलाको घाँस बेचेर आम्दानी गर्ने बढ्दैछन् । दोलखा बैतेश्वर गाउँपालिका ६ नाम्दुका रत्नमाया तामाङले भदौ महिनादेखि जङ्गल, पाखापखेरी गर्दै पानी अमला खोज्दै काठमाडौँ पठाउन लागेको ८ महिना भएको बताउनुभयो । रत्नमायाले दिनहुँजसो सङ्कलन गरेको पानी अमलाको घाँस काडमाडौँमा पठाउँदै आउनुभएको छ ।
एक मुठाकोे ५० रुपैयाँमा बिक्री गर्ने उहाँले दिनमा कम्तिमा १५ देखि २२ वटा मुठा घाँस सङ्कलन गर्दै आउनुभएको छ । अहिले यसैबाट मासिक २० ÷२५ हजार रुपैयाँ आम्दानी भइरहेको त्यहाँका स्थानीयवासी बताउँछन् । सहर बजारमा शुभकार्यमा बुकेको प्रयोग धेरै गरिन्छ । विभिन्न प्रकारका फूलमा पानी अमलाको हरियो घाँस राख्दा अझ बढी आकर्षक देखिने भएका कारण मागअनुसारको घाँस पु¥याउन भ्याइनभ्याइ छ । बुकी निमार्णको लागि पानी अमलाको घाँस उपयोग गर्ने अभ्यास सहरमा बढ्दै जाँदा दोलखामा अरु स्थानीय नागरिक पनि पानी अमलाको घाँस सहर पठाउन लागिपरेका छन् ।
