काभ्रे,
बाढीले घर बगाएर बिचल्लि बनेका रोशी ९ चिउरीबासका माईला लामालाई रोशी गाउँपालिकाले सहयोग गरेको छ । गाउँपालिकाले पिडित लामाको परिवारलाई तत्कालै राहत स्वरूप ८ बण्डिल जस्ता,२ सेट सिरक डस्ना, २ बोरा चामल सहित नुन,तेल,मसला प्रदान गरेको छ । निरन्तर प्रयासका कारण तत्कालै पिडित परिवारलाई बसोबासको लागि अस्थाई कटेज निर्माण हुँदै गरेको स्थानीयवासीले जानकारी दिएका छन् । त्यसैगरी नेपाल खेलकुद तथा सामाजिक बिकास केन्द्रले पनि लामालाई २ वटा पलङ सहयोग गरेको छ । उक्त बाढीले रोशी ११ कालढुङ्गा मा पनि भौतिक क्षती पुर्याएको र सडकमा आबत जाबत गर्न कठिन भएको अबस्थामा स्काभेटर तथा डोजरको माध्यमबाट हाल दुई तर्फी यातायात संचालन भएको स्थानीयले जानकारी दिएका छन् । त्यसैगरी रोशी ९ लगायत अन्य क्षेत्रहरुमा कृषकहरुको खेतीबाली , किवि जस्ता फलफूल, बुद्धचित्त माला लगायतका क्षेत्रमा पनि क्षेती पुर्याएको रोशी ९ का कृषक साधुराम रानामगरले जानकारी दिनुभयो । बाढि का कारण कच्चि बाटो पूर्ण रुपमा क्षेती भएको हुँदा एम्बुलेन्स समेत चल्न नसकेको जानकारी दिँदै स्थानिय सरोकारवाला निकायको ध्यानाकर्षण हुन जरुरी रहेको उँहाले बताउनुभयो ।
