काभ्रे,
कान्तिपुर मिडिया ग्रुपका अध्यक्ष कैलाश सिरोहिया पक्राउविरुद्ध सञ्चारमाध्यमहरुले सामूहिक प्रतिरोध गरेका छन् । आज प्रकाशन हुने प्राय सबैजसो दैनिक पत्रिकाले विशेष सम्पादकीयको स्थानमा कालो पोतेर ‘तथ्य डग्दैन, कलम झुक्दैन’ शीर्षकको एक लाइनको सम्पादकीय लेखेका छन् । यो सामूहिक विरोधमा नयाँ पत्रिका, नागरिक र कारोबार दैनिक भने सामेल भएका छैनन् । सिरोहियालाई गृहमन्त्रीले प्रतिशोध र बदनियत राखेर पक्राउ गरेको भन्दै सञ्चारमाध्यमहरुले सम्पादकीयमा कालो पोतेर सामूहिक विरोध जनाएका हुन् । मिडिया सञ्चालकहरुको संस्था नेपाल मिडिया सोसाइटी र मिडिया अलाइन्सले गगरेको सामूहिक बिरोध जनाउने निर्णय अनुसार आजका केहि मुख्य दैनिक पत्रिकाहरुले कालो पोतेर विरोध जनाएका हुन् ।
सहकारी ठगीमा गृहमन्त्री लामिछानेको संलग्नताको विषयमा कान्तिपुरले निरन्तर समाचार प्रकाशन गरेपछि त्यसको प्रतिशोधमा सत्ता पक्षका दलहरुले कान्तिपुरमाथि आक्रमण गरेको मिडिया सञ्चालकहरुको भनाइ छ ।
