काभ्रे,
आज रोशी गाउँपालिकाको आठौँ कार्यपालिका वैठक रोशी गाउँपालिकाको अध्यक्ष दिनेश लामाको अध्यक्षतामा सम्पन्न भएको छ । वैठकमा गाउँपालिका भित्र रहेका भूमिको वर्गिकरणको विषयमा सेवा प्रदायक संस्थाको उपस्थितिमा कार्यपालिका वैठकमा अभिमुखीकरण कार्यक्रम सम्पन्न गरिएको छ । रोशीको आन्तरिक नियन्त्रण प्रणाली निर्देशिका, २०७९ को प्रारम्भिक मस्यौदा कार्यपालिका वैठकमा प्रस्तुत गरी स्वीकृतिको लागि आगामी कार्यपालिका वैठकमा पेश गर्ने निर्णय गरिएको छ । त्यसैगरी गाउँपालिका स्तरीय अपांगता ग्राम निर्माणको लागि गाउँपालिका उपाध्यक्षको संयोजकत्वमा ४ सदस्यीय सम्भाव्यता अध्ययन कार्यदल गठन गर्ने निर्णय भएको छ ।
त्यसैगरी, वैठक बाट गाउँपालिकाको शिक्षक स्वैच्छिक अवकाश कार्यक्रम कार्यन्वयन कार्यविधि स्वीकृत गर्ने, गाउँपालिकाबाट कार्यन्वयन हुने योजना तथा आयोजनाहरुको सम्झौता गने म्याद फागुन मसान्त सम्म थप गर्ने ,गाउँपालिकाको आवधिक योजना तर्जुमा निर्देशक समिति अध्यक्षको संयोजकत्वमा उपाध्यक्ष उपसंयोजक, प्रमुख प्रशासकि अधिकृत सदस्य सचिव रहने गरी विषय समितिका संयोजकहरु, विषयगत शाखाका प्रमुखहरु, संयोजकले तोकेको कम्तीमा १ जना महिला सहित निजी क्षेत्र, गैसस तथा स्थानीय विषय विज्ञ सहित ३जना सहितको सदस्यतामा गठन गर्ने निर्णय गरिएको छ ।
त्यसैगरी रोशी ९ सल्लेनी निवासी ठूलो बहादुर भ्लोनको घरमा आगलागी भई घर पूर्ण रुपमा जलेर नष्ट भएकोले निजलाई पालिकाबाट नगद रु ७५ हजार आर्थिक सहयोग प्रदान गर्ने , रामेछापमा भएको बस दुर्घटनामा परी मृत्यु भएका रोशी ४ का मृतकको परिवारलाई नगद रु. ३० हजार उपलब्ध गराउने एवं सामाजिक निर्माण कार्यान्वयन ईकाई भैसेपाटी काभ्रे बाग्मती प्रदेशको पत्र बमोजिम रोशी १ खहरेपागु, रोशी ५, रोशी ९, रोशी ११ र रोशी १२ मा खेलमैदान निर्माणको लागि सम्बन्धित निकायमा सिफारिस गर्ने निर्णय भएको छ ।
