काभ्रे,
गत २४ घण्टामा काभ्रेमा थप ११ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । सोहि अवधिमा ७ जना उपचारपछि संक्रमणमुक्त भएका छन् । पछिल्लो २४ घण्टामा गरिएको ९२ वटा परीक्षणमा ११ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेका प्रमुख डा.पुरुषोत्तम राज सेढाईँले जानकारी दिएका छन् ।
कार्यालयका अनुसार काभ्रे जिल्लाको १३ स्थानीय तहमध्ये सबैभन्दा धेरै कोरोनाका सक्रिय संक्रमित धुलिखेल र बनेपा नगरपालिकामा रहेका छन् । धुलिखेलमा ३४ जना महिला र १३ जना पुरुष गरी ४७ जना र बनेपा नगरपालिकामा १६ जना महिला र १५ जना पुरुष गरी ३१ जना सक्रिय कोरोना संक्रमित रहेका छन् ।
