नमोबुद्ध र रोशी भेगका १०० भन्दा बढि मजदुरहरुको निःशुल्क स्वास्थ्य परिक्षण

काभ्रे,रेडियो रोशी,

नमोबुद्ध नगरपालिका र रोशी गाउँपालिका भेगका १०० भन्दा बढि मजदुरहरुको निःशुल्क स्वास्थ्य परिक्षण गरीएको छ । स्वास्थ्य कार्यालय काभ्रेपलाञ्चोक र उधोग बाणिज्य संघहरुको सहकार्यमा आज नमोबुद्ध नगरपालिका वडा नं ७ भकुण्डेबेशीमा भकुण्डेबेशी, रोशी र बिपी हाईवेमा रहेका कल कारखाना, ओैधोगिक क्षेत्र, होटल, निर्माणकार्य लगायतमा काम गर्ने श्रमिकहरुको निःशुल्क स्वास्थ्य परिक्षण गरीएको हो ।
कार्यक्रममा जिल्ला स्वास्थ्य कार्यालय प्रमुख अनिता खनाल, नमोबुद्ध उद्योग बाणिज्य संघका अध्यक्ष बसुनारायण श्रेष्ठ, धुलिखेल उद्योग बाणिज्य संघका महासचिव अनन्त कृष्ण श्रेष्ठ, रोशी उद्योग बाणिज्य संघका अध्यक्ष मनिस बल, उपाध्यक्ष कान्छामान लामा, महासचिव बिकास लामा लगायतको सहभागिता रहेको रोशी उद्योग बाणिज्य संघका अध्यक्ष मनिस बलले जानकारी दिनुभयो ।