काभ्रे,
यस वर्षको माध्यमिक शिक्षा परीक्षा (एसईई) सुरु भएको छ । आज पहिलो दिन अनिवार्य अङ्ग्रेजी र वेदविद्याश्रम तर्फ अनिवार्य संस्कृत भाषा र साहित्य÷अनिवार्य अङ्ग्रेजीको परीक्षा भइरहेको छ । परीक्षामा काभ्रेका ६ हजार भन्दा बढी विद्याथी परीक्षामा सहभागि भएका छन् । जिल्लामा ६ हजार ११९ नियमित तर्फका परीक्षा सहभागि रहेको शिक्षा विकास तथा समन्वय इकाईले जनााएको छ । १६४ प्राविधिक धारका छन् भने ७३ जना ग्रड बृद्धि गरी ६ हजार ३५६ जना विद्यार्थी एसईई परीक्षामा सहभागि हुँदैछन् ।
देशभरका सामुदायिक र संस्थागत गरी १२ हजार ८३ विद्यालयबाट ४ लाख ८५ हजार ३ सय ९६ परीक्षार्थी सहभागी भएका छन् । उनीहरूमध्ये १५ हजार ४ सय ६१ जनाले प्राविधिक धारतर्फको परीक्षा दिइरहेका छन् । २ हजार ३७ परीक्षा केन्द्र तोकिएको परीक्षा नियन्त्रण कार्यालय सानोठिमीले जनाएको छ । कार्यालयका उपनियन्त्रक भक्त गोदारले सीआईएनसँग कुरा गर्दै परीक्षामा केन्द्राध्यक्ष, सहायक केन्द्राध्यक्ष, निरीक्षक, सहायक÷सहयोगी कर्मचारी र सुरक्षाकर्मीसमेत गरी जम्मा ७७ हजार ९ सय ९२ जनशक्ति खटिएका बताउनुभयो । उहाँका अनुसार यो वर्ष जापानमा रहेका १४ जना नेपाली विद्यार्थीलाई समेत एसईई दिने व्यवस्था मिलाइएको छ । उनीहरुको लागि प्रश्न पत्र र उत्तर पुस्तिका नेपालबाटै पठाइएको र परीक्षा सकिसकेपछि उत्तर पुस्तिका नेपालमै ल्याएर परीक्षण गरिने उहाँले जानकारी दिनुभयो । यसवर्ष दृष्टिविहिनलाई आफ्नै विद्यालयबाट परीक्षा दिने व्यवस्था मिलाइएको छ । परीक्षा चैत २९ गतेसम्म सञ्चालन हुनेछ ।
