काभ्रे,
माइक्रो बायोलोजी केन्द्रिय विभाग त्रिभुवन विश्वविद्यालयको सहयोगमा रोशी ९ मंगलटारमा २ दिने शिविरको आज पहिलो दिन रोशीका नागरिकहरुलाई निःशुल्क स्वास्थ्य शिविर सम्पन्न भएको छ । विशेष गरी स्त्री रोग, नाक, कान, घाँटी, ल्याव टेष्ट, जनरल चेकअप गरी जम्मा २३५ जना नागरिककोे निःशुल्क स्वास्थ्य परीक्षण गरिएको मंगल जन विजय माध्यमिक विद्यालयका शिक्षक तथा उक्त शिविर कार्यक्रमको फोकल पर्सन राजेन्द्र प्रसाद अधिकारीले जानकारी दिनुभयो । रोशी गाउँपालिकाको अध्यक्ष दिनेश लामाको प्रमुख आतिथ्यतामा उक्तकार्यक्रम शुभारम्भ भएकोे हो भने शिविर भोली सम्म हुने फोकल पर्सन राजेन्द्र प्रसाद अधिकारीले जानकारी दिनुभयो ।
