काभ्रे,
रोशी गाउँपालिकाको जनप्रतिनिधिहरुको काम, कर्तव्य र अधिकार विषयमा २ दिने अभिमुखिकरण कार्यक्रम आज सम्पन्न भएको छ । गाउँपालिकाको आवधिक योजना निर्माणको लागि योजना प्राथमिकिकरणका आधारहरुको विषयमा पनि जनप्रतिनिधिहरुलाई अभिमुखिकरण गरिएको गाउँपालिकाका प्रमुख प्रशासकिय अधिकृत रामबहादुर तामाङले जानकारी दिनुभयो ।
दीर्घकालिन रुपमा गुणस्तर अभिवृद्धि गरी योजना निर्माण गर्न तथा रोशी गाउँपालिकालाई समृद्ध बनाउन सम्भावित आधारहरु छनौट गरी विकास निर्माणका कार्यहरु अगाडि बढाउन जनप्रतिनिधिहरुलाई उक्त कार्यक्रम सञ्चालन गरिएको हो । रोशी गाउँपालिकाको आयोजनामा भएको उक्त कार्यक्रम गाउँपालकाकै सभाहलमा भएको हो ।
