काभ्रे,
काभ्रेपलाञ्चोक जिल्लाको मण्डनदेउपुर नगरपालिकाको नरर्बन्दा निख्रे खोलामा २६ लाखको लागतमा झोलुङ्गे पुल निर्माण भएको छ । नवनिर्मित झोलुङ्गे पुलको नगरप्रमुख टोक बहादुर वाईबाले उदघाटन गर्नुभएको हो ।
नगरपालिकाको १० प्रतिशत जनसहभागिता रहेको छ । नगरप्रमुख वाईबाले पुल निर्माणमा सहयोग गर्ने संस्थालाई धन्यवाद दिँदै नगरपालिकाका नगरबासीको सहजताका लागि सधै साथमै रहेको बताउनुभयो । पुल निर्माण भएपछि वडा नम्बर ८ र ९ बीच आवतजावत गर्न निकै सहज भएको हुनुको साथै किसानहरुलाई पनि सहज भएको छ । उदघाटन कार्यक्रममा नगर उपप्रमुख विष्णुमणी नेपाल, पूर्व जनप्रतिनिधिहरु लगायत स्थानीयहरुको सहभागिता रहेको थियो ।
