काभ्रे,
वीपी राजमार्ग अन्तर्गत धुलिखेल सडकखण्डको सुन्दर बस्तीमा स्थानीयहरुले राजमार्ग अवरोध गरेका छन् । सडक निर्माणको क्रममा अत्याधिक धुलो उडेको भन्दै स्थानीयले गुनासो गरेपनि स्थानीय सरकार धुलिखेल नगरपालिका र सडक निर्माण ठेकेदारले चासो नदिएको कारण बाँध्य भएर सडक अवरोध गरेको स्थानीयहरुको भनाई छ । स्थानीय जनप्रतिनिधिलाई पटक पटक जानकारी गराउँदा पनि धुलो कम गर्न कुनै कदम नचालेको उनीहरुको गुनासो छ ।
राम्रो पिच भत्काएर समयमा बाटो निर्माण नभएको र धुलो कम गराउनको लागि पानी हाल्ने व्यवस्था नभएको भन्दै स्थानीयहरु सडकमा जम्मा भएर यातायात अवरुद्ध गरेका हुन् । वीपी राजमार्गमा सिमेन्टको पोल ढुङ्गा राखेर राजमार्ग अवरोध गरेका थिए सरोकार निकायहरु र निर्माण ठेकेदारको ध्यानाकर्षण गर्न राजमार्ग अवरोध गरिएको स्थानीयको भनाई छ।
