रोशी सहकर्मी–जेठ ९,
२०७७,धुलिखेल/

कोरोना भाइरसको सङक्रमणबाट नेपाल मै पहिलो मृत्यु भएकी सिन्धुपलाञ्चोककी महिलाको परिवार डिस्चार्ज भएका छन । धुलिखेल सामुदायिक अस्पतालमा उपचारथ उनीहरुलाई आज डिस्चार्ज गरेको हो ।
धुलिखेल अस्पतालले आज एक प्रेस विज्ञप्त मार्फत मृतकको शिशु सहित आफन्तलाई डिस्जार्च गरिएको जनाएको छ ।

धुलिखेल अस्पतालका प्रशासकीय अधिकृत डा. रमेश माकजूद्धारा हस्ताक्षरित विज्ञप्तीमा नवजात शिशुमा जण्डिस र राता बिमिरा उठेको भएपनि बाल रोग विशेषज्ञबाट उपचार गराएपछि निको भएको जनाइएको छ । कोरोनाका कारण मृत्यु भएपछि उनीहरुको पीसीआर विधिबाट स्वाव परीक्षण गरिएकोमा सबै जनाको रिपोर्ट नेगेटिभ आएको थियो । पछि पुनः बालकको स्वाव परीक्षण गरिएको र त्यसमा पनि रिपोर्ट नेगेटिभ आएपछि डिस्चार्ज गरिएको धुलिखेल अस्पतालद्धारा जारी विज्ञप्तीमा उल्लेख छ । विज्ञप्तीमा थप एक हप्ता सिन्धुपलाञ्चोक जिल्लाको क्वारेन्टाइनमा राख्नुपर्ने र पुनः आरडीटी परीक्षण गर्नुपर्ने सुझाव दिइएको छ । आरडीटी परीक्षणमा पोजेटिभ देखिए मात्र पीसीआर गरिने अस्पतालले जनाएको छ ।

सिन्धुपलाञ्चोक जिल्लाको बाहृविसे नगरपालिकाकी महिलाको उपचारका क्रममा जेठ १ गते राती साढे नौ बजे मृत्यु भएको थियो । सुत्केरी महिलाको मृत्यु पश्चात कोरोना परीक्षण गर्दा उनीमा कोरोना भाइरसको पोजेटिभ देखिएको थियो । मृत्युपछि परिवारलाई आसोलेशन वार्डमा राखेर उपचार गराएको थियो भने मृतकको उपचारमा संलग्न चिकित्सक, नर्स, पारामेडिकलगायत गार्डलाई समेत क्वारेन्टिनमा राखिएको थियो । मृतकको बच्चा, श्रीमान र सासूलाई डिस्चार्ज गरिएको अस्पतालले जनाएको छ ।

Facebook Comments