काभ्रे,
यौन दुर्ब्यवहारको आरोप लागेका कुशादेवी माध्यामिक विद्यालयका शिक्षक छवि गौतम विरद्ध किटानी जाहेरी दर्ता भएको छ । विद्यालयका ११ जना छात्राले ईलाका प्रहरी कार्यालय बनेपामा पुगेर किटानी जाहेरी दिएका हुन् । विद्यालयको कोठाभित्रै यौन दुर्ब्यवहारको आरोप लागेका पनौती नगरपालिका वडा नम्बर २ मा रहेको कुशादेवी माध्यामिक विद्यालयका शिक्षक छवि गौतम विरद्ध विद्यालयका ११ जना छात्राले किटानी जाहेरी दिएका हुन् । गौतमले पटक पटक छात्रामाथि यौन दुब्र्यवहार गर्दै आएको खुलेको छ । यसअघि पनि उनलाई यस्तै प्रकृतिको घटनामा माफी माग्न लगाएर विद्यालय ब्यवस्थापन समितिले उन्मुक्ति दिएको थियो । ईप्रकाका डिएसपी रेशम बोहराका अनुसार जाहेरी दर्ता भएर आवश्यक प्रक्रिया अघि बढिसकेको छ ।
गौतम यो विद्यालयमा झण्डै ६÷७ वर्षदेखि अध्यापन गराउँदै आएका थिए । विद्यालयका प्रधानाध्यापक, विब्यसका पदाधिकारी सहितको रोहबरमा किटानी जाहेरी प्रहरीले दर्ता गरेको हो । कक्षा १० मा पढ्ने छात्राहरुले गत शुक्रबार नै विब्यसमा शिक्षक गौतमले यौन दुब्र्यवहार गरेको भन्दै निवेदन दिएको थिए । सोही निवेदनका आधारमा विब्यसको आकस्मिक बैठकले गौतमलाई स्पष्टिकरण सोधेको थियो । स्पष्टिकरण चित्तबुझ्दो नभएपछि हाजिर नगराउने निर्णय गरिएको थियो ।
