काभ्रे,
रोशी गाउँपालिका वडा नं १ खहरेपागुमा आज एकदिने निःशुल्क आँखा शिविर सम्पन्न भएको छ । शिविरमा २८८ जनाले आँखा परिक्षण परीक्षण गराएका छन् । परीक्षणको क्रममा ६२ जना मोतियाविन्दु शल्यक्रयाको निम्ति छनौट भएको शिविर कार्यक्रम संयोजक डा. निराजन तामाङले जानकारी दिनुभएको छ । छनौट भएका विरामीहरुलाई रोशी गाउँपालिकाको तर्फबाट यातायातको साधन व्यवस्था गरी भोली रेयुकाई मासुनागा अस्पाताल बनेपामा लाने, १८ गते अपरेशन गर्ने र १९ गते पुनःफर्काउने व्यवस्था गरिएको डा. तामाङले जानकारी दिनुभयो ।
“स्वस्थ आँखा स्वच्छ संसार’भन्ने मूलनाराका साथमा रोशी गाउँपालिकाको आयोजना र रेयुकाइ एइको मासुनागा आँखा अस्पताल बनेपाको प्राविधिक सहयोगमा एकदिने निःशुल्क आँखा शिविरको आयोजना गरिएको हो । कार्यक्रममा गाउँपालिकाको अध्यक्ष दिनेश लामा, उपाध्यक्ष मिमबहादुर वाईवा, वडा न. १ को वडा अध्यक्ष श्रीदास लामा, वडा नं २ को वडा अध्यक्ष हस्तमान लामा, ३ को वडा अध्यक्ष धनजीत लामा, सहित स्वास्थ्य शाखा प्रमुख गंगालाल श्रेष्ठ लगायतको उपस्थिति रहेको डा. निराजन तामाङले जानकारी दिनुभएको छ ।
