काभ्रे,देबराज,
“स्थानीय तहको क्रियाशीलता,शिक्षक संघको सफलता” भन्ने मुल नाराका साथ नेपाल शिक्षक संघ तेमाल गाउँपालिका कार्य समितिको दोस्रो गाउँपालिका स्तरीय अधिवेशन सर्वसम्मत रुपमा सम्पन्न भएको छ । दोस्रो गाउँपालिका स्तरीय अधिवेशनमा ज्ञान्जामान तामाङको अध्यक्षता पदाधिकारीहरु सर्वसम्मत चयन भएका छन् । उपाध्यक्षमा गणेश मान लामा, उपाध्यक्ष(महिला) विष्णु माया तामाङ, सचिवमा रमेस प्रसाद त्रिपाठी, सहसचिव(महिला) सुजिमा तामाङ, समावेशी सहसचिव गोपालमान तामाङ तथा चित्र बहादुर वाईबा, अर्थ सचिवमा ईन्द्र जित तामाङ, सह अर्थसचिव (महिला) अनिता तामाङ चयन भएका छन् ।
सदस्यहरुमा निर्मला मैनाली, नविन कुमार लामा,ग्याल्छन लामा , उर्मिला कार्कि,शंखलाल तामाङ , प्रेम कुमार तामाङ , जगतमान तामाङ , भिमलाल लामा , पिताम्बर ढुंगाना , बाबुलाल तामाङ , दिलकुमार मोक्तान , बुद्धिमान तामाङ , देबराज तिमल्सिना , मानकाजि तामाङ , रुद्र प्रसाद त्रिपाठि , शर्मिला त्रिपाठि , मनिषा खरेल र रुविना तामाङ रहेका छन् ।
कार्यक्रमलाई सम्बोधन गर्दै गाउँपालिका अध्यक्ष लामाले हालै शिक्षक सेवा आयोगबाट स्थायी रुपमा नियुक्ति भएका शिक्षकहरुको कारण अस्थायी तथा करार शिक्षकहरु बिस्थापित हुनुपर्ने बाध्यता रहेको बताउदै उक्त समस्याका लागि कम भन्दा कम शिक्षकहरु बिस्थापित हुनबाट बचाउनका लागि पालिकाले खेल्नुपर्ने भुमिकामा आफु प्रतिबद्ध रहेको बताउनुभएको छ ।
त्यसैगरि सम्बोधनकै क्रममा प्राुख अतिथि नेपाली काङ्ग्रेस जिल्ला सचिव गुणराज मोक्तानले पनि शिक्षण सिकाईको क्रममा शिक्षकहरुले नयन तरिकाबबाट खोज गर्दै शिक्षामा परिवर्तन ल्याउनुनर्ने बताउदै शिक्षकमा देखिएका कतिपय समस्याहरुलाई समाधान गर्नमा सबै क्षेत्रबाट सकेसम्म सहयोग गर्ने प्रतिबद्धता जनाउनुभएको छ ।
नेपाली काङ्ग्रेस जिल्ला सचिव गुणराज मोक्तानको प्रमुख आतिथ्यतामा भएको अधिवेशनमा विशेष अतिथि तेमाल गाउँपालिका अध्यक्ष चन्द्र बहादुर तामाङ ,अतिथि तेमाल गाउँपालिका निवर्तमान उपाध्यक्ष दुर्गा माया तामाङ, निवर्तमान वडाध्यक्ष विकुलाल तामाङ , गाउँपालिका प्रमुख प्रशासकीय अधिकृत केदार प्रसाद ढकाल ,नेपाल शिक्षक संघ काभ्रेको जिल्ला कार्य समितिका सहसचिव दिलकुमार मोक्तन लगायतका नेपाल शिक्षाक संघमा आबद्व विशिष्ट ,कर्मठ र साधारण सदस्यहरुको उपस्थिति थियोे भने कार्यक्रमको सभापति नेपाल शिक्षक संघ तेमालका अध्यक्ष बाबुलाल तामाङले गर्नुभएको थियोे ।
