काभ्रे,
रोशी गाउँपालिकाको राष्ट्रपति रनिङ शिल्ड प्रतियोगिता माघ २७ देखि २९ सम्म हुने भएको छ । नेपाल सरकार युवा तथा खेलकुद मन्त्रालयको तत्ववाधान तथा राष्ट्रिय खेलकुद परिषदको संयोजकत्वमा हरेक वर्ष सञ्चालन हुने विद्यालय स्तरीय खेलकुद प्रतियोगिता एवं राष्टपति रनिङ शिल्ड प्रतियोगिता सञ्चालन निर्देशिका, २०७० (संशोधन) सहित बमोजिम विद्यालयतहका १८ वर्ष मुनिका विद्यार्थीहरुलाई सहभागी गराउने भएको छ । रोशी माध्यमिक विद्यालयमा हुने भएको उक्त प्रतियोगितामा भलिबल, कबड्डि, एथलेटिक्स, हाइजम्प, लङ्गजम्प, त्रिपल जम्प ,सटफुट, कराँते र तेक्वान्दो खेलमा प्रतियोगिता हुने प्रमुख प्रशासकिय अधिकृत रामबहादुर तामाङले जानकारी दिनुभयो ।
खेलमा सहभागी हुने विद्यार्थी चालु शत्रमा १८ वर्ष पूरा नभएको, कक्षा १२ सम्म नियमित रुपमा अध्ययनरत र विद्यालयको इमिसमा इन्ट्रि भएको हुनुपर्नेछ । सहभागी हुने विद्यार्थीको फोटो सहितको विवरण खुल्ने गरी फाराम भरि जन्मदर्ताको प्रमाणपत्र, नागरिकताको प्रमाणपत्र, शैक्षिक योग्यताको प्रमाणपत्रको प्रतिलिपि आयोजक समितिलाई पेश गर्नुपर्नेछ र उद्घाटनको दिन अनिवार्य रुपमा खेलाडी पोशाकमा विद्यालयको झण्डा, व्यानर सहित उपस्थित हुनुपर्ने गाउँपालिकाका प्रमुख प्रशासकिय अधिकृत रामबहादुर तामाङले जानकारि दिनुभयो ।
