रोशी
रोशी गाउँपालिकाको सभाहलमा सचेतना मूलक लोक दोहोरी प्रतियोगिता मार्फत लैंगिक हिंसा विरुद्धको १६ दिने अभियानको शुभारम्भ भएको छ । रोशी गाउँपालिकाको अध्यक्ष दिनेश लामाको अध्यक्षतामा सुरु भएको उक्त कार्यक्रममा लामाले समाजमा कुनै पनि प्रकारका हिंसाले मानव जीवन प्रत्यक्ष असर परेको हुनाले यसको रोकथाम तथा न्यूनिकरणका निम्ति हरेक व्यक्ति, परिवार समाज तथा सरोकारवाला निकायले ध्यान दिनुपर्ने बताउनुभयो । रोशी गाउँपालिकाको उपाध्यक्ष तथा न्यायिक समितिको मिम बहादुर वाईवाले हिंसा भन्ने वितिकै महिलालाई मात्र नभइ कतिपय अवस्थामा पुरुषलाई पनि विभिन्न किसिमबाट हिंसा हुने गरेको बताउनुभयो । तसर्थ समाजमा भएका कुनैपनि किसिमको हिंसा हुन नदिनको निम्ति सबै जना एक जुट भई लाग्नुपर्ने बताउनुभयो । रोशी गाउँपालिकाको महिला बालबालिका तथा ज्येष्ठ नागरिक शाखाद्धारा आयोजना गरिएको उक्त कार्यक्रममा वडा नम्बर १ र २ को टिमले प्रथम स्थान हासिल गर्न सफल भएको छ । त्यसैगरी द्धितिय स्थानमा रोशी ३ र ४ रहेको थियो भने तृतिय स्थानमा रोशी ५ र ६ नम्बरको समूह रहेको थियो । उत्कृष्ट लोक गीत प्रस्तुतीकरणमा रोशी ९ रहेको थियो । राष्ट्रिय लोक दोहोरी गायिका टिका सानुको निर्णायकमा भएको उक्त प्रतियोगिता लैंगिक हिंसा विरुद्धको अभियानमा केन्द्रित रहेको थियो ।
