काभ्रे,
काभ्रे,
रोशी गाउँपालिका स्थित वडा नं. ९ थाक्लेमा “एक घर एक धारा” खानेपानी आयोजनाको उद्घाटन भएको छ । रोशी गाउँपालिका अध्यक्ष दिनेश लामाको प्रमुख आतिथ्यतामा आयोजना उद्घाटन गरिएको हो । महाकालीदेवी खानेपानी तथा सरसफाई उपभोक्ता समितिद्धारा निर्माण सम्पन्न गरिएको एक घर एक धारा कार्यक्रमबाट ६९ घरधुरी र १ विद्यालय लाभान्वित भएका छन् । उक्त योजना नेवा संस्था र गाउँपालिकाको साझेदारीमा सम्पन्न भएको सूचना अधिकारी प्रकाश पौडेलले जानकारी दिनुभयो । कार्यक्रममा नेवा संस्थाका प्रतिनिधिहरु तथा स्थानीयवासीहरुकोे उपस्थिति रहेको थियो । घर घरमा धारा पुगेपछि गाउँपालिका र नेवा संस्थालाई धन्यवाद व्यक्त गर्दै स्थानीयहरुले खुसीयाली साटासाट गरेका छन् ।
