रेडियो रोशी,
रोशी गाउँपालिका वडा न ११ मा सामाजिक भत्ता वितरण गरीएको छ । बैंकको कर्मचारी र गाउँपालिकाको कर्मचारीसहित वडामै पुगेर भत्ता वितरण गरेका हुन । आज सोमबार वडाकार्यालयमा एक कार्यक्रमको आयोजना गरि भत्ता वितरण गरेको रोशी गाउँपालिका वडा न ११ का वडाध्यक्ष लालकुमार पाख्रीनले बताउनुभयो । वडामा ४ सय जना सामाजिक भत्ता पाउने व्यक्तिहरु रहेकोमा १ सय ८० जनालाइ भत्ता वितरण गरेको पाख्रीनले जानकारी दिए । अन्य व्यक्तिहरुले बैंकबाटै लेइसकेको उँहाको भनाइ छ ।
भत्ता वितरण कार्यक्रममा गाउपालिकाबाट सीता श्रेष्ठ र सुस्मीता गौतम र बैंकको कर्मचारी वडामै पुगेका थिए । वडामा सचिवको नेतृत्वमा अन्य कर्मचारी खटेका थिए ।
