रोशी सहकर्मी–चैत्र १६,
२०७६,काभ्रे/

नेपाली कांग्रेसका केन्द्रिय सदस्य शिवप्रसाद हुमागाईंले स्वास्थ्यमन्त्री भानुभक्त ढकालमा कार्यदक्षता नदेखिएको आरोप लगाएका छन् । नेपाली कांग्रेसको केन्द्रीय श्रमिक तथा ट्रेड युनियन विभागका संयोजक हुमागाँईले आइतबार विभागका तर्फबाट विज्ञप्ति जारी गरेर स्वास्थ्यमन्त्री ढकालको भावना जतिसुकै पवित्र भए पनि कार्यदक्षता नदेखिएको टिप्पणी गरेका हुन् ।

जारी विज्ञप्तिमा कोरोना भाइरसविरुद्ध प्रतिपक्ष दल लगायत सबै राजनितिक दल, नागरिक समाज, सम्पूर्ण सुरक्षा निकाय, सरोकार सम्बद्ध सबै पक्ष समग्रमा आमनेपाली नागरिकको एकताबद्ध साथ र सहयोग रहे पनि, सरकार र स्वास्थ्यमन्त्रीज्यूको भावना जति सुकै पवित्र भए पनि कार्यदक्षता देखिएन, तसर्थ, स्वास्थ्यमन्त्रीज्यू तपाईं या त तत्काल कार्यन्वयनमा जुट्नुहोस् खट्नुहोस् अन्यथा तपाईंले मार्ग प्रशस्त गर्नु नै राष्ट्र र जनताको हितमा हुनेछ” भनिएको छ ।

हुमागाईंले राष्ट्र र जनताको हितका लागि मन्त्री ढकालले राजीनामा दिनु नै उचित भएको पनि जिकिर गरेका छन् ।

Facebook Comments