काभ्रे,
बागमती प्रदेश सरकारका खानेपानी, उर्जा तथा सिंचाइ मन्त्री तीर्थ लामाले विपद्को संवेदनशील अवस्थामा विद्यार्थीहरूको भूमिका महत्वपूर्ण हुने बताउनु भएको छ ।
सोमबार बेथानचोक गाउँपालिका वडा नं। ६ मा रहेको सरस्वती मा।वि।मा अन्तराष्ट्रिय स्काउट भोलुन्टर ग्रुपले आयोजना गरेको “रिसर्च, रेस्क्यू एण्ड इमेरजेन्सी प्रोटोकल” सम्बन्धी ३ दिने तालिम कार्यक्रमको समापन गर्दै मन्त्री लामाले नेपालमा विभिन्न समयमा कुनै न कुनै विपद् आउने हुँदा विद्यालय तहदेखि नै समन्वयात्मक तरिकाले उद्धार र जोखिम न्यूनीकरणमा काम गर्नु र गराउनु महत्वपूर्ण भएको बताउनुभयो ।
उहाँले यस प्रकारका तालिमले विद्यार्थीमा शिक्षण सिकाइसँगै जीवनपयोगी आयामहरुको पनि विकास हुने बताउनुभयो । समयको हर समय असल कार्य गर्नका लागि भएकोले तालिममा सिकेको कुरा अप्ठेरो अवस्थामा संयमित र विवेकपूर्ण तवरले व्यवहारमा उतार्न विद्यार्थीहरुलाई मन्त्री लामाको आग्रह थियो । उहाँले जनताका पीरमर्कामा आफू सदैव लागिरहने र विकास निर्माणका गतिविधिमा हातेमालो गर्दै जाने पनि बताउनुभयो ।
कार्यक्रममा बेथानचोक गाउँपालिकाका अध्यक्ष भगवान अधिकारीले तालिमले विपद्को समयमा उद्धार र राहत कार्यका लागि ‘टास्कफोर्स’ तयार भएको भन्दै आयोजक संस्थालाई धन्यवाद दिनुभयो । उहाँले विपद् व्यवस्थापन आफैमा एउटा उन्नत प्रकारको सिप भएकोले विपद्मा कसरी सुरक्षित हुने र गराउने भन्ने विषयमा जागरुकता बढाउने र आहतमा परेकाहरुमा साहस थप्ने कार्य हुने भएकाले तालिम प्रदान गर्ने सबैलाई धन्यवाद दिनुभयो ।
गाउँपालिकाकी उपाध्यक्ष तारा राना तिमल्सिनाले विपद् व्यवस्थापन तालिमसँगै आयोजक संस्थाले विद्यार्थी साटफेर स्टुडेण्ट साटफेर कार्यक्रम गरी उहाँहरुको क्षमता अभिवृद्धिका गतिविधि गरेकोप्रति खुशी व्यक्त गर्नुभयो ।
कार्यक्रममा वडा नं। ६ का अध्यक्ष विष्णु तामाङले ग्रामिण भेगमा आएर महत्वपूर्ण कार्यक्रम सञ्चालन गरेको प्रति अन्तराष्ट्रिय स्काउट भोलुन्टर ग्रुप आइएसभिजी लाई धन्यवाद दिनुभयो । कार्यक्रममा आइएसभिजी प्रमुख डा। दिक्पाल केशरी वैद्य, आइएसभिजी युकेकी एक्जुकेटिभ मेम्बर डा। मुगे कक्स, आइएसभिजी यु।केका एक्ज्युकेटिभ डा। तिलक बहादुर श्रेष्ठ, आइएसभिजी एसिया प्यासेफिक डुपुटी कमिस्नार किरण न्यौपाने, आइएसभिजी नेपालका प्रमुख अजित खड्का, सरस्वती माध्यमिक विद्यालयका प्रधानाध्यापक विष्णुबहादुर थापालगायतले कार्यक्रमबारे बोल्नु भएको थियो ।
कार्यक्रममा बेथानचोक गाउँपालिकाका अध्यक्ष भगवान अधिकारी, अन्तराष्ट्रिय स्काउट भोलुन्टर ग्रुप ९आइएसभिजी० एसिया प्यासेफिक डुपुटी कमिस्नार किरण न्यौपाने, ९आइएसभिजी० नेपालका प्रमुख अजित खड्कालाई आइएसभिजीका प्रमुख डा। दिक्पालकेशरी वैद्यले आइएसभिजी सेवा पदकले विभूषित गर्नु भयो ।
कार्यक्रममा सरस्वती माध्यमिक विद्यालयका व्यवस्थापन समिति अध्यक्ष ज्ञानबहादुर तामाङले तालिमले विद्यार्थीहरुमा प्राकृतिक विपद्को अवस्थामा होसियारी र जनसचेतना बढाउन भूमिका खेलेकोमा अन्तराष्ट्रिय स्काउट भोलुन्टर ग्रुपप्रति आभार व्यक्त गर्नुभयो । कार्यक्रम सम्पन्न गर्न महत्वपूर्ण भूमिका निर्वाह गर्ने सबैलाई उहाँले धन्यवाद दिनुभयो ।
