शतप्रतिशत अनुदानमा तेमालका कृषक समूहलाई कृषि सामाग्री तथा विषादी वितरण

काभ्रे,

काभ्रे जिल्लाको तेमाल गाउँपालिकाका कृषक समूहहरुलाई कृषि सामाग्री तथा विषादी वितरण गरीएको छ । वडा अध्यक्ष चन्द्रबहादुर लामाले आज वडा भित्र रहेको विभिन्न ९ वटा कृषक समूहहरुलाई विषादी हाल्ने ४५ थान इलेक्ट्रोनिक पम्प र मकैमा लाग्ने किरा नष्ट गर्ने १६ सय पकेट विषादी वितरण गर्नुभएको हो । परम्पम्परागत कृषि प्रणालीलाई आधुनिक कृषि प्रणालीमा रुपान्तरण गर्ने उद्देस्यले प्रोत्साहन स्वरुप कृषि सामाग्री वितरण गरिएको वडा अध्यक्ष लामाले बताउनुभयो ।
वडा नं. ९ भित्र रहेका डुंगेटार टोड्के कृषक समूहलाई ४ वटा, सानो ठूलोटार कृषक समूहलाई ५ वटा, ठूलोगाउँ कृषक समूहलाई ४ वटा, पराङगाङ कृषक समूहलाई ४ वटा, मुक्पा खत्रीगाङ कृषक समूहलाई ७ वटा, पालुघाट सवालदेव कृषक समूहलाई ७ वटा, शहिद भिमध्वज कृषक समूहलाई २ वटा, एकीकृत चोपाटार कृषक समूहलाई ७ वटा र मिलिजुली कृषक समूहलाई ५ वटा इलेक्ट्रोनिक स्प्रे मेशिन वितरण गरिएको हो ।